జబర్దస్త్ కామెడీ షో తో మంచి పాపులారిటీ సంపాదించుకున్న సుడిగాలి సుదీర్ ప్రస్తుతం ఇండస్ట్రీలో సినిమాలు కూడా చేస్తున్న సంగతి తెలిసిందే. ఒక పక్క సినిమాలు చేస్తూనే మరో పక్క టెలివిజన్ రంగంలో అనేక షోలలో రాణిస్తున్న సుదీర్.. ఇటీవల ఓ సినిమా షూటింగ్ హైదరాబాద్ నగరంలో చేస్తుండగా పోలీసులు అడ్డుకున్నారు.
పూర్తి విషయంలోకి వెళితే ప్రస్తుతం కరోనా విలయతాండవం చేస్తున్న నేపథ్యంలో జనావాసాల మధ్య సుడిగాలి సుదీర్ సినిమా షూటింగ్ జరుగుతూ ఉండటంతో.. ఆ చుట్టుప్రక్కల ప్రాంతాల ప్రజలు పోలీస్ కంప్లైంట్ ఇవ్వటం తో సినిమా షూటింగ్ ను అడ్డుకున్నరు. మలక్ పేట లో ఈ షూటింగ్ జరుగుతుండగా పోలీసులు రావటంతో షూటింగ్ ఆపేశారు.
కానీ మరోపక్క సినిమా యూనిట్… ప్రభుత్వం నుండి అన్ని అనుమతులు వచ్చాకే సినిమా షూటింగ్ స్టార్ట్ చేయడం జరిగినట్లు పోలీసులకు వివరించారు. కానీ ప్రభుత్వ నిబంధనలు పాటించకుండా ఎక్కడికక్కడ పరిస్థితులు ఉండటంతో స్థానికులు మాత్రం సినిమా షూటింగ్ ఎట్టి పరిస్థితుల్లో జరగకూడదని, ఇటువంటి సోషల్ డిస్టెన్స్ పాటించకుండా ప్రభుత్వ కరోనా నిబంధనలు పాటించకుండా ఇష్టానుసారంగా వ్యవహరిస్తూ చుట్టుపక్కల వారికి ప్రమాదం వాటిల్లే అవకాశం ఉందని పోలీస్ లు షూటింగులు అడ్డుకోవాలని పట్టుబట్టడంతో అక్కడ పరిస్థితి రణరంగంగా మారింది. తర్వాత చిత్ర యూనిట్ భరోసా ఇవ్వటంతో మళ్లీ సినిమా షూటింగ్ యధావిధిగా సాగినట్లు సమాచారం. మలక్ పేట లో మాత్రమే గాక హైదరాబాదులో చాలా చోట్ల సినిమా షూటింగులకు ఇలానే జనాలు అడ్డు పడుతున్నట్లు వార్తలు వస్తున్నాయి. కరోనా వైరస్ తో పాటు కొత్త కరోనా రావడంతో హైదరాబాద్ వాసులు బాగా ఆందోళనకు గురవుతున్నారట.
