Posani Krishna Murali : పోసాని కృష్ణ మురళి Posani Krishna Murali గురించి తెలుగు సినిమా ఇండస్ట్రీ గురించి తెలిసిన వాళ్లకు ప్రత్యేకంగా చెప్పాల్సిన పనిలేదు. ఒక రచయితగా, దర్శకుడిగా, నిర్మాతగా, నటుడిగా, కమెడియన్ గా సుపరిచితుడు పోసాని. ఇండస్ట్రీలో తనకంటూ ఓ ప్రత్యేక గుర్తింపును తెచ్చుకున్నారు పోసాని.
ఆయన ఒక విలన్ గా, కమెడియన్ గా, తండ్రిగా, ఫ్రెండ్ గా.. ఇలా అనేక పాత్రల్లో నటించి తెలుగు ప్రేక్షకులను మెప్పించారు. ఆయన ఎక్కడ ఉంటే అక్కడ ఎంటర్ టైన్ మెంట్ కు కొదువ ఉండదు. పోసానిని అనుకరిస్తూ కామెడీ చేసే వాళ్లు కోకొల్లలుగా ఉంటారు. అది పోసాని రేంజ్.
అయితే.. పోసాని సినిమాల్లోనే కాదు.. ఈ మధ్య టీవీ షోలలోనూ కనిపిస్తున్నారు. తాజాగా ఆయన శ్రీదేవి డ్రామా కంపెనీ షోలో కనిపించారు.
మామూలుగా కమెడియన్లు కామెడీ చేస్తారు కానీ.. శ్రీదేవి డ్రామా కంపెనీ షోకు వచ్చిన పోసాని.. చేసే కామెడీ చూస్తే పొట్ట చెక్కలయ్యేలా నవ్వాల్సిందే.
Posani Krishna Murali : పోసాని జోకులను తట్టుకోలేకపోయారు
శ్రీదేవి డ్రామా కంపెనీకి వచ్చిన పోసాని.. అందరు కమెడియన్ల మీద జోకుల మీద జోకులు పేల్చారు. శ్రీదేవి డ్రామా కంపెనీ అనే ప్రోగ్రామ్ ఈటీవీలో ఇటీవలే స్టార్ట్ అయింది. సరికొత్త కాన్సెప్ట్ తో వచ్చిన ప్రోగ్రామ్ అది. అయితే.. ఈ ప్రోగ్రామ్ లో కంటెస్టెంట్లుగా వచ్చిన జబర్దస్త్ ఇమ్మాన్యుయేల్, వర్ష, రోహిణీలకు పోసాని మామూలు పంచులు ఇవ్వలేదు.
సార్.. వర్షకు, నాకు బిడ్డ పుడితే మీ పేరే పెట్టుకుంటాం అని ఇమ్మాన్యుయేల్ అనగా.. ఒరేయ్.. మీ దరిద్రమైన ఔట్ పుట్ ను నా బ్రాండ్ వేస్తార్రా? అంటూ భలే పంచ్ వేశారు.
సార్.. సార్.. మీరు కుమ్మేస్తున్నారు సార్.. అంటూ వెంటనే బిగ్ బాస్ రోహిణి వచ్చి పోసానికి కాంప్లిమెంట్ ఇఛ్చే ప్రయత్నం చేస్తుంది. దీంతో నాదో చిన్న రిక్వెస్ట్ రోహిణి.. నువ్వు ఎప్పుడూ తమిళనాడు సైడ్ వెళ్లమాకు. ఒకవేళ వెళ్లావనుకో.. జడపట్టుకొని గుంజి.. జల్లికట్టులో వదులుతారు.. అంటూ పంచ్ వేసేసరికి.. ఏం మాట్లాడాలో తెలియక.. రోహిణి అక్కడి నుంచి తుర్రుమంది.
వామ్మో.. పోసాని మామూలోడు కాదు. సందు దొరికితే.. బుల్లితెరను కూడా ఏలేటట్టు ఉన్నాడే. మొత్తానికి శ్రీదేవి డ్రామా కంపెనీ ప్రోమో వచ్చేసింది. మీరు కూడా చూసి ఎంజాయ్ చేయండి.