ప్రస్తుతం ట్రెండింగ్ లో ఉన్న టాపిక్ ఏదంటే ప్రభాస్ కొత్త మూవీ A – ఆదిపురుష్ అనే చెప్పుకోవాలి. ప్రభాస్ బాలీవుడ్ లో తొలిసారి అడుగుపెడుతుండటం.. అది కూడా రామాయణ ఇతిహాసం మీద వస్తున్న సినిమాలో రాముడిగా నటిస్తుండటంతో ఒక్కసారిగా ప్రభాస్ అభిమానుల్లో అంచనాలు పెరిగిపోయాయి.
ఇప్పటికే ప్రభాస్ ఇంటర్నేషనల్ స్టార్. ఆయన సినిమాలకు ప్రపంచవ్యాప్తంగా ఆదరణ లభిస్తుంది. బాహుబలి సిరీస్ తోనే ప్రభాస్ ఎక్కడికో వెళ్లిపోయారు. అప్పటి నుంచి ఆయన నటిస్తున్న సినిమాలన్నీ పాన్ ఇండియా రేంజ్ వే.
ఇక.. తొలిసారిగా బాలీవుడ్ లో అడుగు పెడుతున్న ప్రభాస్.. ఎంచుకోవడమే బ్రహ్మాండమైన సబ్జెక్ట్ ను ఎంచుకున్నారు. రాముడి పాత్రలో నటించబోతున్నారు. అయితే.. శ్రీరాముడి పాత్రలో ప్రభాస్ ఎలా ఉంటారు? రాముడి పాత్రలో ఒదిగిపోతారా? లేదా అని ప్రభాస్ ఫ్యాన్స్ కు కొన్ని డౌట్స్ ఉన్నాయి.
అయితే.. ఈ ఫోటో చూస్తే ప్రభాస్ ఫ్యాన్స్ డౌట్లన్నీ పటాపంచలు అయిపోతాయి. ఎందుకంటే.. రాముడి గెటప్ లో ప్రభాస్ చక్కగా ఒదిగిపోయారు. కరెక్ట్ గా సరిపోయారు. అసలు చూడటానికి రెండు కళ్లు సరిపోవు.
ప్రభాస్ రాముడి గెటప్ లో ఎలా ఉంటారో ఊహించుకొని తన ప్రతిభను ఉపయోగించి ప్రభాస్ ఫ్యాన్ గౌతమ్ రూపొందించిన ఫోటో ఇది. మొత్తానికి ప్రభాస్ రాముడిగా ఎలా ఉంటారో అని అంతా కంగారు పడుతున్న వేళ.. శ్రీరాముడిగా ప్రభాస్ ఇట్టే ఒదిగిపోతారని.. అద్భుతమైన ఫోటోను రూపొందించి ప్రభాస్ ఫ్యాన్స్ ను ఖుషీ చేసిన గౌతమ్ కు మనం థాంక్స్ చెప్పాల్సిందే.