Prabhas : కోలీవుడ్ విలక్షణ దర్శకుడు శంకర్ తో మెగా పవర్ స్టార్ రామ్ చరణ్ ఒక భారీ ప్రాజెక్టు సెట్ చేసిన విషయం తెలిసిందే. ఈ చిత్రానికి దిల్ రాజు నిర్మాతగా వ్యవహరిస్తున్నాడు. ప్రస్తుతం రామ్ చరణ్ ఎన్టీఆర్ తో కలిసి రాజమౌళి దర్శకత్వంలో ‘ఆర్ఆర్ఆర్’ సినిమాలో నటిస్తున్న విషయం తెలిసిందే.
ఇది పాన్ ఇండియా చిత్రంగా తెరకెక్కుతోంది. అయితే ఈ చిత్రం గురించి ప్రస్తుతం ఫిల్మ్ సర్కిల్స్ లో ఒక కొత్త వార్త చక్కర్లు కొడుతుంది. ఈ ప్రాజెక్టుకి అసలు రామ్ చరణ్ ఫస్ట్ ఛాయిస్ కాదట. ఒక మంచి పాన్ ఇండియా రేంజ్ సబ్జెక్ట్ కోసం ఎదురుచూస్తున్న చరణ్ దగ్గరకు ఈ సినిమా ఈ మధ్యనే వచ్చింది అని అంటున్నారు.
నిజానికి ఈ ప్రాజెక్టును దిల్ రాజు ప్రభాస్ తో నిర్మించాలని అనుకున్నాడట. శంకర్ కూడా తన తర్వాత సినిమా రెబల్ స్టార్ తో చేయాలని ప్రయత్నాలు చేశారట. ఇక ప్రభాస్ దగ్గరికి రెండు మూడు సార్లు ఈ ప్రాజెక్టు వెళ్ళినప్పటికీ మొదట పాజిటివ్ గా స్పందించి ఆ తర్వాత ఉన్న సినిమాల కారణంగా తనకు కనీసం రెండేళ్ల సమయం కావాలని అడిగాడట.
ఇక అప్పటివరకు వేచి ఉండడం ఇష్టం లేని శంకర్ ఎలాగో రాజమౌళి సినిమాతో చరణ్ పాన్ ఇండియా రేంజ్ లో ప్రేక్షకులకు పరిచయం అవుతాడు కాబట్టి అతనితోనే తన ప్రాజెక్ట్ ప్లాన్ చేశాడట దిల్ రాజు. రాజు కూడా రామ్ చరణ్ తో చేయడమే బెటర్ అని శంకర్ ని ఒప్పించి ప్రాజెక్టు ఓకే చేసినట్లు సమాచారం.