యంగ్ రెబల్ స్టార్ ప్రభాస్ చేయబోతున్న బాలీవుడ్ స్ట్రైట్ సినిమా “ఆదిపురుష్”. బాలీవుడ్ స్టార్ డైరెక్టర్ ఓం రౌత్ ఈ సినిమాని ఎంతో ప్రతిష్టాత్మకంగా తెరకెక్కించబోతున్నాడు. ఓం రౌత్ ఈ సినిమాని మన దేశపు పురాణాలకు చెందిన రామాయణ గాథ ఆధారంగా తెరకెక్కించబోతుండగా ప్రభాస్ రాముడిగా నటించనున్నాడు. ప్రభాస్ మొదటి సారి ఇలాంటి సినిమా చేస్తుండటం తో దేశ వ్యాప్తంగా భారీ స్థాయిలో ఎంచనాలు ఏర్పడ్డాయి.
కాగా ఇప్పటికే ఆదిపురుష్ నుంచి రామునిగా ప్రభాస్, రావణునిగా సైఫ్ ఎలా కనిపించనున్నారన్న ప్రత్యేకమైన పోస్టర్స్ ను డిజైన్ చేసి సినిమా మేయిన్ థీం ని తెలిపారు. అదే విధంగా రామాయణంలోని ప్రధాన అంశం రామ, రావణుల మధ్య ఉండే యుద్ధం. ఆ కారణంగానే ముందుగా ఈ రెండు పాత్రలని పరిచయం చేస్తూ ఈ రెండు వైవిధ్యమైన పోస్టర్స్ ను రిలీజ్ చేశారు. అయితే అందరూ ఎంతో ఆతృతగా ఎదురు చూస్తున్నది ఈ సినిమాలో ప్రభాస్ కి జంటగా నటించే సీత పాత్ర లో ఏ హీరోయిన్ నటిస్తారన్నది. అంతేకాదు ఈ సినిమాలో ప్రభాస్ రాముడి గెటప్ ఎలా ఉంటుందన్నది.
వాస్తవంగా గత నెల ప్రభాస్ బర్త్ డే సందర్భంగా ఆదిపురుష్ నుంచి ప్రభాస్ లుక్ రిలీజ్ అవుతుందని అభిమానుల తో పాటు ప్రేక్షకులందరూ ఎంతో ఆసక్తిగా ఎదురు చూశారు. కాని ఊహించని విధంగా దర్శకుడు ఓం రౌత్ ప్రభాస్ అభిమానులకి షాకిచ్చి బాగా డిసప్పాయింట్ చేశాడు. అయితే అప్పటి నుంచి ప్రభాస్ ఆదిపురుష్ లో రాముడి గెటప్ ని చూడాలని ఫ్యాన్స్ తెగ ఆరాటపడుతున్నారు. కాని మేకర్స్ మాత్రం ఆ లుక్ ని రిలీజ్ చేయడం లేదు.
అందుకే ఇక లాభం లేదనుకున్న డార్లింగ్ ఫ్యాన్స్ ఆదిపురుష్ లో ప్రభాస్ రాముడిగా ఎలా ఉంటాడో ఒక అద్భుతమైన పోస్టర్ ని డిజైన్ చేసి సోషల్ మీడియాలో రిలీజ్ చేశారు. ఈ లుక్ నిజంగా మేకర్స్ రిలీజ్ చేసినట్టే ఉంది. అందరూ ప్రశంసలు కురిపిస్తున్నారు కూడా. అయితే సాధారణంగా ఇలాంటివి చేస్తే మేకర్స్ హర్ట్ అవుతారు. కాని దర్శకుడు ఓం రౌత్ మాత్రం ఆ పోస్టర్ డిజైన్ చేసిన ప్రభాస్ ఫ్యాన్ ని పొగడ్తలతో ముంచేశాడు. సూపర్బ్ గా ఉందని మెచ్చుకున్నాడు. ఇక ఈ పోస్టర్ నిజంగా మేకర్స్ రిలీజ్ చేశారన్న ట్టుగా సోషల్ మీడియాలో వైరల్ అవుతోంది.
Tenant OTT Release: ఓటీటీ సినిమాని థియేటర్లలో రిలీజ్ చేస్తున్న కమెడియన్.. క్లారిటీ ఇస్తూ కామెంట్స్..!