Pawan kalyan 28 : పవర్ స్టార్ పవన్ కళ్యాణ్ నటిస్తున్న సినిమాలలో హరీష్ శంకర్ డైరెక్షన్‌లో చేసే ఒకటి. ఇది మోస్ట్ అవైటెడ్ ప్రాజెక్ట్. ఈ మధ్య దీని గురించి ఒకటే రూమర్స్ వచ్చాయి. సోషల్ మీడియాలో ఈ రూమర్ చూసి నేరుగా చిత్ర బృందం స్పందించింది. ఈ సినిమాకి సంబంధించి వస్తున్న వార్తల్లో ఏదీ నిజం కాదు..అవన్ని వట్టి పుకార్లే. సినిమా టైటిల్ గురించి..పవన్ కళ్యాణ్ క్యారెక్టర్..ఇందులో నటించే హీరోయిన్ కి సంబంధించి చాలా వార్తలు వచ్చి వైరల్ అయ్యాయి. వాటికి దర్శకుడు హరీష్ శంకర్ తో పాటు చిత్ర నిర్మాణ సంస్థ ఇవన్నీ నమ్మవద్దని..ఈ సినిమాకి సంబంధించి ప్రతీ అప్‌డేట్ అధికారకంగా మేమే వెల్లడిస్తాము.
అప్పటి వరకు ఎవరూ గాసిప్స్ రాయవద్దని, వాటిని నమ్మవద్దని చెప్పుకొచ్చారు. కాగా తాజాగా ఈ సినిమా షూటింగ్ ఈ ఏడాదిలోనే ప్రారంభం కాబోతుందని హింట్ ఇచ్చారు. అంతేకాదు తాజాగా దర్శకుడు హరీష్ శంకర్ బద్రి సినిమాలో ఒక వీడియోను షోషల్ మీడియాలో పోస్ట్ చేశారు. ఇందులో బద్రి ..నందా తో చెప్పే డైలాగును రిపీటెడ్ గా చూపించారు. దీనికి హరీష్ శంకర్ ఒక లైన్ కూడా జత చేశారు. దాంతో అనధికారంగా పవన్ కళ్యాణ్ 28వ సినిమాలో ప్రకాశ్ రాజ్ నటించబోతున్నాడని దాదాపు కన్‌ఫర్మ్ చేశారు. ఇప్పటికే పవన్ నటించిన మూడు సినిమాలలో ప్రకాశ్ రాజ్ నెగిటివ్ రోల్ లో నటించాడు.
Pawan kalyan 28 : బద్రి – నందా కలిసి వెండితెర మీద సందడి.
మరోసారి బద్రి – నందా కలిసి వెండితెర మీద సందడి చేయబోతుండటం అభిమానులకి ఆతృతను పెంచింది. ఇక ప్రస్తుతం పవన్ నటిస్తున్న రెండు సినిమాలు త్వరలో సెట్స్ మీదకి రాబోతున్నాయి. క్రిష్ – పవర్ స్టార్ కాంబినేషన్ లో ఏ.ఎం.రత్నం హరి హర వీరమల్లు భారీ బడ్జెట్ తో నిర్మిస్తున్నారు. అలాగే సాగర్ చంద్ర దర్శకత్వంలో ఏకే తెలుగు రీమేక్ కూడా తిరిగి షూటింగ్ మొదలవబోతోంది. పవన్ కళ్యాణ్ – దగ్గుబాటి రానా హీరోలుగా మల్టీస్టారర్ తెరకెక్కుతోంది. నిత్యా మీనన్, ఐశ్వర్య రాజేష్ హీరోయిన్స్ గా నటిస్తున్నారు. థమన్ సంగీతం అందిస్తున్నా ఈ సినిమాకి త్రివిక్రం డైలాగ్స్ అండ్ స్క్రీన్ ప్లే అందిస్తున్న విషయం తెలిసిందే.
