Prashanth neel : పాన్ ఇండియన్ డైరెక్టర్‌గా ఇప్పుడు ప్రశాంత్ నీల్ కి ఎంతటి క్రేజ్ ఉందో ఆయన కమిటవుతున్న పాన్ ఇండియన్ సినిమాలతోనే అర్థమవుతోంది. ఒకరకంగా రాజమౌళి రేంజ్ ఉన్న దర్శకుడు ప్రశాంత్ అని దేశ వ్యాప్తంగా చెప్పుకుంటున్నారంటే కేజీఎఫ్ 1 ఆయనకి ఎలాంటి క్రేజ్ తెచ్చిపెట్టిందో అర్థం చేసుకోవచ్చు. ఈ క్రేజీ డైరెక్టర్ కోసం సౌత్ స్టార్ హీరోలు పెద్ద నిర్మాణ సంస్థలతో కలిసి ప్రాజెక్ట్ సెట్ చేసుకుంటున్నారు. ఆ లిస్ట్ చూస్తే కనీసం ఓ అయిదేళ్ళైనా ఆయన డైరీ ఖాళీ లేదని తెలుస్తోంది.
ఆయన దర్శకత్వంలో సీక్వెల్ గా రూపొందిన కేజీఎఫ్ ఛాప్టర్ 2 రిలీజ్ చేయడానికి మేకర్స్ రెడీ అవుతున్నారు. ఇక ప్రస్తుతం పాన్ ఇండియన్ స్టార్ అయిన ప్రభాస్ హీరోగా ప్రశాంత్ నీల్ సలార్ అనే సినిమాను ఎంతో ప్రతిష్టాత్మకంగా రూపొందిస్తున్నాడు. శృతి హాసన్ ప్రభాస్ తో కలిసి స్క్రీన్ షేర్ చేసుకుంటుంది. దాదాపు కేజీఎఫ్ టీమ్ ఈ సినిమాకి పని చేస్తున్నారు. ఆయన ఒకసారి ట్యూన్ అయితే వాళ్ళతోనే ప్రశాంత్ నీల్ జర్నీ చేస్తున్నారు. సలార్ తర్వాత ఎన్.టి.ఆర్ తో ప్రాజెక్ట్ కమిటయ్యాడు. ఈ సినిమాను సలార్ పూర్తి చేసి మొదలు పెట్టనున్నాడు.
Prashanth neel : ప్రశాంత్ నీల్ – ఎన్.టి.ఆర్ సినిమాకి విజయ్ సేతుపతి డేట్స్ సర్దుబాటు చేస్తాడా..?
అయితే ఇప్పటి నుంచే సినిమాకి సంబంధించిన నటీ నటులు, టెక్నికల్ టీం, లొకేషన్స్ ఫైనల్ చేస్తున్నారట. అందులో భాగంగానే ఒక ప్రాముఖ్యత ఉన్న పాత్ర కోసం కోలీవుడ్ హీరో, విలక్షణ నటుడు విజయ్ సేతుపతిని తీసుకోవాలని దర్శకుడు, నిర్మాతలు చర్చించుకుంటున్నారట. ఆయన ఓకే అంటే టాలీవుడ్ లో మరో అద్భుతమైన పాత్ర చేయడం ఖాయం అంటున్నారు. అయితే విజయ్ సేతుపతి డైరీ రెండు నుంచి మూడేళ్ళు ఖాళీ లేదని దాని మూలంగానే బాలీవుడ్ సినిమా వదులుకున్నాడని ఆ మధ్య వార్తలు వచ్చాయి. ఈ నేపథ్యంలో ఎన్.టి.ఆర్ – ప్రశాంత్ నీల్ సినిమాకి డేట్స్ సర్దుబాటు చేస్తాడా లేదా అనేది ఇప్పుడు హాట్ టాపిక్ గా మారింది.
