Pregnancy : మానవ మేధస్సు తో సృష్టి రహస్యాలు కనిపెట్టేస్తూన్నప్పటికీ.. సృష్టిలో మానవ మేధస్సుకు అందని ఆశ్చర్య పరిచే అద్భుతాలు జరుగుతూనే ఉన్నాయి.. అటువంటిదే ఈ అద్భుతం కూడా.. ఒక మహిళ గర్భం దాల్చడం పెద్ద వింతేమీ కాదు.. అయితే ఓకే మహిళ రోజుల తేడాతో రెండు సార్లు గర్భం దాల్చడం ఖచ్చితంగా వింతే కదా.. ఈ అరుదైన విచిత్ర ఘటన ఇంగ్లాండ్లో చోటు చేసుకుంది.. ఆమె అప్పటికే ఒక బిడ్డ కడుపులో మోస్తుంటే.. మరో బిడ్డ గర్భంలో తయారవుతుంది.. వైద్య పరిభాషలో ఈ అరుదైన పరిస్థితిని “డబుల్ ప్రెగ్నెన్సీ, సూపర్ఫెటేషన్” అని అభివర్ణిస్తారు..
ఇంగ్లాండ్ లోని ట్రౌబ్రిడ్జి లోని 39 సంవత్సరాల మహిళ రెబక్కా రాబర్ట్స్ డబల్ ప్రెగ్నెన్సీ ఉమెన్ గా రికార్డు సృష్టించింది. ఈ సంఘటన గత డిసెంబర్లో జరిగింది.రెబక్కా రాబర్ట్, రైస్ లివర్ దంపతులకు సంబరం పద్నాలుగేళ్ల కుమార్తె ఉంది. ఇటీవల రెబక్కా మరల గర్భం దాల్చింది 3 వారాల క్రితం సాధారణ టెస్టులు చేయించుకోవడానికి వెళ్లగా డాక్టర్లు ఆమెకు షాకింగ్ న్యూస్ ను తెలిపారు. అప్పటికే గర్భంలో ఉన్న రెబక్కా కడుపులో మరో బిడ్డ రూపుదిద్దుకుంటుందని తెలిపారు. ఆమె ప్రెగ్నెన్సీ కోసం వాడిన మందుల వల్లనే డబ్బులు ప్రెగ్నెన్సీ వచ్చిందని డాక్టర్లు చెప్పారు .రెబక్కా తీసుకున్న మందుల ఫలితంగా ఆమె గర్భంలో ఉన్నప్పుడు మరో అండం విడుదలై ఉంటుందని అందుకే ఆమె మళ్లీ గర్భం దాల్చిందని అన్నారు.
ముప్పై మూడు వారాల తర్వాత 2020 సెప్టెంబర్ లో రెబక్కా కవల పిల్లలకు జన్మనిచ్చింది. మీరు లో ఒక ఆడపిల్ల 4lb 10oz, ఒక మగ బిడ్డ 2lb 7Oz బరువుతో పుట్టారు.ప్రీమెచ్యూర్ బేబీ కావడంతో ఆడపిల్లను మూడు నెలలపాటు ఆస్పత్రిలోనే వైద్యుల పర్యవేక్షణలో ఉంచారు.రెబక్కా కు జన్మించిన కవల పిల్లలు వైద్యరంగంలో అద్భుతమని డాక్టర్లు చెప్పారు ఇటువంటి సంఘటనలు ప్రపంచంలో చాలా అరుదుగా జరుగుతూ ఉంటాయి అని వివరించారు.