అమ్మ అవడం అనేది ఒక గొప్ప వరం…ఆ వరం పొందడానికి స్త్రీ ఎన్నోపరీక్షలను ఎదురుక్కోవలిసి ఉంటుంది. తొమ్మిది నెలల పాటు శిశువును గర్భంలో మోయడమన్నది మాములు విషయం కాదు. గర్భం ధరించినప్పుడు వాటికీ సంబందించిన సమస్యలతో పాటు ఎన్నో రకాల అసౌకర్యాలు కూడా ఎదురవుతాయి. వీటి గురించి చాలామంది స్త్రీల కు అవగాహనే ఉండదు. గర్భధారణ సమయంలో స్త్రీలు ఎదుర్కొనే సమస్యలు వాటి పరిష్కారాల గురించి ఇప్పుడు తెలుసుకుందాం.
- గర్భధారణ సమయం లో స్త్రీల కు వాసన గుర్తించే సామర్థ్యంపెరుగుతుంది.
- ఈస్ట్రోజెన్ ఉత్పత్తి పెరగడం వలన తక్కువగా ఉండే వాసన కూడా వీరికి ఘాటుగా అనిపిస్తుంది.
- ఈ సమస్య ను అధిగమించాలంటే , ప్రెగ్నన్సీ సేఫ్ ఎసెన్షియల్ కొన్ని చుక్కలు టిష్యూ లేదా హ్యాండ్ కర్చీఫ్ లో వేసుకోవాలి. ఘాటు వాసనల తో ఇబ్బంది కలిగిన సమయంలో టిష్యూ లేదా హ్యాండ్ కర్చీఫ్ వాసన చూడడం వలన సమస్యతగ్గుతుంది.
- గర్భధారణ సమయంలో చాలామంది స్త్రీలు పొట్టలో గ్యాస్ సమస్య తో బాధ పడుతుంటారు. గ్యాస్ సమస్య తొమ్మిది నెలల సమయంలో ఎప్పుడైనా ఎదురవవచ్చు. కాబట్టి గ్యాస్ సమస్య ను తెచ్చి పెట్టే ఆహారం ను తినకపోవడం మంచిది.
- డైరీ ప్రోడక్ట్స్,కార్బనేటడ్ బేవరేజెస్, క్రూసిఫెరస్ వెజిటబుల్స్, వెల్లులి , పాలకూర, బంగాళాదుంప, బీన్స్ అలాగే హై ఫైబర్ఉండే ఆహారం ఎంత తక్కువగా తీసుకుంటే అంత మంచిది. ఒకే సారి పెద్దమొత్తం లో ఆహారం తినకూడదు.కొంచెం కొంచెం గా ఎక్కువ సార్లుతీసుకోవడం మంచిది.
- గర్భధారణ సమయంలో హార్మోన్ల మార్పు వలన దట్టమైన, పొడవైన అలాగే నల్లని వెంట్రుకలు పెరుగుతాయి. ముఖం, ఛాతి , పొత్తికడుపు వంటి భాగాల పైన జుట్టు దట్టంగా పెరుగుతుంది. ఈ సమస్య నుండి సురక్షితంగా బయట పడాలంటే ట్వీజ్, వ్యాక్స్ అలాగే షేవ్ చేసుకోవాలి. బ్లీచెస్ అలాగే డెపిలేటరీస్ వంటి రసాయనాలను వాడకూడదు.
- ఎక్కువగా మూత్రానికి వెళ్లడం అనేది బిడ్డకు జన్మనిచ్చేవరకు కొనసాగుతుంది. బాత్రూం కు వెళ్లాల్సిన అవసరం వచ్చినప్పుడు ఆపుకోకూడదు. అదే సమయంలో కాఫీ, టీ అలాగే కొన్ని కార్బనేటడ్ డ్రింక్స్ ను తాగకూడదు.అలా తాగడం వలన తరచూ బాత్రూం కు వెళ్లాల్సిన అవసరాన్ని కలిగిస్తాయి.
- చాలామంది గర్భిణీలకు జ్ఞాపకశక్తి సమస్య లు వస్తాయి. దీన్నే బేబీ బ్రెయిన్ అంటారు. చిన్న చిన్న విషయాలను కూడా మరచిపోతూ ఉంటారు. వస్తువులను ఎక్కడ పెట్టారో కూడా గుర్తుండదు. కొన్నిసార్లు ఏ పని చేస్తున్నారో కూడా మరచిపోవడం జరుగుతుంది. దీనికి గల కారణం నిపుణులు కూడా అంచనా వేయలేకపోతున్నారు. కానీ, గర్భధారణ లో తలెత్తే హార్మోనల మార్పు, నిద్రలేమి అలాగే ఒత్తిడి వంటి సమస్యకు దారితీస్తున్నాయని చెప్పవచ్చు. ఈ సమస్య కొన్ని రోజులు మాత్రమే ఉంటుంది.
- గర్భధారణ సమయంలో డీహైడ్రేషన్ కూడా నోట్లోని సెలైవా లెవెల్స్ పై ప్రభావం చూపుతాయి.నోరు పొడిబారడానికి కారణమవుతాయి. అందువల్ల బాక్టీరియా పెరిగి దుర్వాసన వస్తుంది.గర్భధారణ సమయంలో క్రమం తప్పకుండా చెకప్ తో పాటు నోటి శుభ్రత కు ప్రాధాన్యం ఇవ్వడం వలన ఈ సమస్య నుండి బయట పడవచ్చు.