Alzheimer’s: అల్జీమర్స్ Alzheimer’s అంటే సాధారణం గా వచ్చే మతిమరుపు కాదు. దీని లక్షణాలు వేరేలా ఉంటాయి.అల్జీమర్స్ లక్షణాలను ముందే గుర్తించి జాగ్రత్తపడటం మంచిది . అల్జీమర్స్ లక్షణాలనుఎలా గుర్తించాలో తెలుసుకుందాం. ఈ వ్యాధి వచ్చిన వారు అనేక విషయాల్ని మర్చిపోతుంటారు. ఏదైనా విషయాన్ని సరిగ్గా గుర్తుంచుకోలేరు.వ్యక్తుల్నీ గుర్తుపట్టలేరు.
బంధువుల్ని, స్నేహితుల్ని, పరిచయస్తుల్ని కూడా గుర్తుపట్టనంత మతిమరుపు వస్తుంది.మాటల్లో తడబాటు రావడం వలన సరిగ్గా మాట్లాడలేకపోతారు. ఇంకా చెప్పాలంటే ఒక్కోసారి స్నానం చేయడం, తినడం, లాంటి వాటితో పాటు వేళకు ట్యాబ్లెట్లు వేసుకోవడం కూడా గుర్తుండదు. రోజులు, వారాలు, తేదీల్లాంటివీ కూడా గుర్తుండవు. చిన్నచిన్న లెక్కలు కూడా చేయలేరు. పేపర్, పుస్తకాల్లాంటివి చదవలేరు.ఏ మాటలైతే వారికీ గుర్తుంటాయో… వాటినే పదేపదే పలుకుతుంటారు. మనస్తత్వం లో మార్పులు వస్తాయి. అయోమయానికి గురవుతుంటారు. భయపడుతుంటారు.
ప్రతి ఒక్కరిని అనుమానిస్తుంటారు. ఎప్పటి విషయాలు అప్పుడు మర్చిపోతుంటారు. ఇలా అల్జీమర్స్ తీవ్రమయ్యే కొద్దీ చివరకు నడవడం కూడా మర్చిపోతుంటారు.ఒక వేళా ఈ లక్షణాలు కనిపిస్తే మాత్రం జాగ్రత్తపడాలి. వెంటనే న్యూరాలజిస్ట్ను కలిసి అది సాధారణ మతిమరుపా? లేక అల్జీమర్సా? అన్నది నిర్థారించుకోవచ్చు. ఎంఆర్ఐ, సీటీ స్కాన్ చేయడం ద్వారా అల్జీమర్స్ నిర్థారించుకోవచ్చు. దీనిని మొదటే గుర్తించి తగు చర్యలు తీసుకుంటే అల్జీమర్స్ వ్యాధి పెరగకుండా ఉంటుంది.
మందులతో ఈ వ్యాధిని నయం చేయొచ్చు. అల్జీమర్స్ వచ్చినవారి విషయం లో కుటుంబసభ్యులు జాగ్రత్తలు తీసుకోవడం అవసరం. అల్జీమర్స్ వచ్చినవారిని ఒంటరిగా వదిలిపెట్టడం, ఒంటరిగా పంపించడం లాంటివి చేయకూడదు. అల్జీమర్స్ వ్యాధిగ్రస్తులతో తరచూమాట్లాడుతూ ఉండాలి. వారి మెదడు యాక్టీవ్గాఉండేలా ప్రోత్సహిస్తుండాలి. పుస్తకాలు చదివించాలి. టీవీ లో ఏవైనా కార్యక్రమాలు చూడమని చెప్పాలి. బోర్డ్ గేమ్స్, పజిల్స్, లెక్కలు గుర్తు తెచ్చుకోవడం అలాంటివి ఆడిస్తూ మెదడుకు పని కల్పిస్తూ ఉండాలి. పోషకాలు ఎక్కువగా ఉండే ఆహారంపెడుతుండాలి. ఇలాంటి వారు మీ ఇంటిలో తగిన జాగ్రత్తలు తీసుకుంటూ ఉండండి. డాక్టర్ ని సంప్రదించి సలహాలు పాటించండి. మీ సహాయ సహకారాలు వారికీ అందించండి.