గ్రేటర్ ఎన్నికల ప్రచారంలో తెలంగాణ బిజెపి అధ్యక్షుడు బండి సంజయ్ అద్భుతమైన పోరాటపటిమ కనబర్చినట్లు కమలం పార్టీ పెద్దలు అంటున్నారట. బండి సంజయ్ కి అధ్యక్ష పదవి చేపట్టే తెలంగాణలో బీజేపీ గ్రాఫ్ గట్టిగానే పెరిగిందని సంతోషం వ్యక్తం చేస్తున్నారట. ముఖ్యంగా దుబ్బాక ఉప ఎన్నికలలో అధికార పార్టీ టిఆర్ఎస్ ను ఓడించి బీజేపీ జెండా ఎగిరేలా చేయటం హైలెట్ అని కొనియాడుతున్నారు.
ఇదిలా ఉండగా ఇటీవల ప్రధాని మోడీ.. బండి సంజయ్ కి ఫోన్ చేసి మాట్లాడినట్లు సమాచారం. ఈ విషయాన్ని తెలంగాణ బీజేపీ ఓ లెటర్ ద్వారా తెలిపింది. ఇటీవల జరిగిన జిహెచ్ఎంసి ఎన్నికల పరిస్థితులపై ప్రధాని మోడీ.. బండి సంజయ్ అన్ని వివరాలు అడిగి తెలుసుకున్నట్లు దాదాపు పది నిమిషాల పాటు, జరిగిన ఎన్నికల సరళిపై పార్టీ పరిస్థితుల పై ముచ్చటించిన ట్లు సమాచారం.
ఈ క్రమంలో ఎన్నికల సమయంలో పార్టీ కార్యకర్తలపై నాయకులపై జరిగిన దాడి గురించి కూడా మోడీ అడిగి తెలుసుకున్నట్లు పార్టీలో టాక్. ఏది ఏమైనా జిహెచ్ఎంసి ఎన్నికలలో పార్టీ కార్యకర్తలు నాయకులు అద్భుతమైన పోరాటపటిమను కనబరిచారు అని బండి సంజయ్ ని పార్టీ క్యాడర్ ని మోడీ ప్రశంసించారట. గతంలో కంటే తాజాగా క్యాడర్ లో మంచి చురుకుదనం వచ్చిందని ఇదే స్ఫూర్తితో ముందుకు సాగాలని వెనకాల పార్టీ పెద్దలు ఉంటారని బండి సంజయ్ కి మోడీ అభయం ఇచ్చినట్లు తెలంగాణ బిజెపి తాజా ప్రకటనలో తెలిపింది.
