Problems : మనిషి అన్నాక సమస్యలు రాకుండా ఉండవు. ప్రతి రోజు ప్రతి ఒక్కరికి చిన్నదో,పెద్దదో సమస్య ఉంటూనే ఉంటుంది.అసలు జీవితం అంటే ఏమిటో తెలుసా?? ”సమస్యల సమాహారం”… దాన్ని ఎవరు ఏ విధం గా తీసుకుని ముందుకు సాగుతారు అనే దాని మీద జీవితం ఆధారపడి ఉంటుంది.ఆ సమస్యల సమాహారాన్ని కొందరు పూల దండగ చేసుకుంటే ,మరి కొందరు ముళ్ళ కిరీటం గా ఉరితాడు గా చేసుకుంటున్నారు. సమస్యలు లేవు మేము చాలా సంతోషంగా ఉన్నాము అనే వారిని ఒక్కరిని చూపించండి…అలా ఎవ్వరు ఉండరు.సమస్య వచ్చినప్పుడు దాని గురించి ఆలోచించండి…పరిష్కరించ కలిగితే ఆ దిశగా వెళ్ళండి..మీ వల్ల కాదు అనుకుంటే దాన్ని అలానే వదిలేయండి..దాని అంతటా అదే పరిష్కారం అవుతుంది.
పరిష్కారం కానీ సమస్యలు అనేవి అసలు ఉండవు.. కాకపోతే అది తెలియడానికి కొంత టైం పట్టవచ్చు. కానీ దాన్ని మాత్రం మీ మెదడులో మోయకండి..సమస్యలు రాకుండా ఉండాలి అని మాత్రం కోరుకోకండి .. ఎందుకంటే అలా ఎప్పటికి జరగదు…కానీ ఎలాంటి సమస్య వచ్చిన ఎదుర్కొనే లా ఉండాలని కోరుకోండి..అది మీకు శక్తి ని ఇస్తుంది.మీ జీవితం సుఖ మయం చేస్తుంది. మీకు భరించలేని బాధ వచ్చింది అని అక్కడ కాలం ఆగిపోదు…చాల సుఖం గా సంతోషం గా ఉన్నారని కూడా కాలం ఆగిపోదు.తన పని తాను చేసుకుంటూ పోతుంది.మనం కూడా అలానే ఉండాలి.చాలామంది చిన్న సమస్య రాగానే ఇక జీవితమే లేదన్న నిర్ణయానికి వచ్చేస్తారు.సతమతమయిపోతుంటారు..దాని వలన సమస్య తీరదు కదా.. ఇంకా భూతం లా భయపెడుతూ ఉంటుంది.
ఇంకొంత మంది ఎంత సమస్య వచ్చిన కనీసం పక్కన వాళ్ళకి కూడా తెలియకుండా పరిష్కరించుకుంటారు…సమస్యలు అనేవి చాల సహజం అనే ధోరణి లో సంతోషం గా బతికేస్తుంటారు.నిజం గా ఆలోచిస్తే, మనకన్నా ఎక్కువ సమస్యలు ఉన్నవారు మన చుట్టూ చాలా మందే ఉంటారు.నిజానికి వారితో పోలిస్తే మన సమస్య సమస్యే కాదు అన్నట్టు ఉంటుంది.అస్సలు కళ్లు ,కాళ్ళు,చేతులు లేనివారే చాల ధ్యేర్యం తో బ్రతుకుతుంటే…అన్ని ఉన్న మనం సమస్య రాగానే జీవితమే లేనట్టు బాధ పడిపోవడం ఎంతవరకు సరైనదో అలోచించి..సంతోషం గా ముందడుగు వేయండి…సంతోషం వచ్చిన, సమస్య వచ్చిన ఇది ఉండదు అని అనుకోండి…జీవితం లో విజయం మీ సొంతం అవుతుంది.