Puligundu: అధ్బుతమైన పర్యాటక ప్రదేశం పులిగుండు..! ఇది ఎక్కడ ఉంది..? ఆ విషయాలు ఏమిటంటే..?

Share

Puligundu: ఏపిలో ప్రసిద్ధ పుణ్యక్షేత్రం తిరుపతి నుండి 50 కిలో మీటర్ల దూరంలో పెనుమూరు ప్రాంతంలో చుట్టూ మైదానం..మద్యలో భూమి లోపల నుండి బయటకు చొచ్చుకొచ్చినట్లు కనిపించే అతి పెద్ద రాతి పర్వతం చూపరులను విశేషంగా ఆకట్టుకుంది. ఈ రాతి పర్వతం విశేషం ఏమిటంటే రెండు అతి పెద్ద రాతి పర్వతాలు లింగాకృతిలో చాలా అద్భుతంగా కనిపిస్తాయి. సుమారు వెయ్యి అడుగుల ఎత్తు ఉన్న ఈ కొండపైకి ఎక్కితే సుదూరంలో ఉన్న తిరుపతి పర్వతాలు, చుట్టుపక్కల అటవీ ప్రాంతాలు చాలా అందంగా కనిపిస్తాయి.

Puligundu tourist place
Puligundu tourist place

ఇక్కడకి పర్యాటకులు వెళ్లేందుకు బస్సులు, ప్రైవేటు వాహనాలు అందుబాటులో ఉంటాయి. రెండుగా చీలినట్లు కనిపించే ఈ పర్వతాలను పార్వతీ, పరమేశ్వరులుగా కొలుస్తుంటారు భక్తులు. పూర్వకాలంలో ఈ కొండ గుహల్లో పులులు తలదాచుకునేవనీ, అందుకే ఈ ప్రాంతానికి పులిగుండు అని పేరు వచ్చిందని స్థానికులు చెబుతుంటారు. ట్రైక్కింగ్ ఇష్టపడే పర్యాటకులు ఎక్కువగా పులిగుండును సందర్శించేందుకు ఇష్టపడుతుంటారు.

Puligundu tourist place
Puligundu tourist place

పులిగుండు పర్వతం మీదకు ఎక్కేందుకు రాతి మెట్లు, ఇనుప మెట్ల మార్గాలు ఉన్నాయి. వీటి మీద నుండి పైకి చేరడమంటే సాహసం చేసినట్లే. పూర్వం ఇక్కడ మెట్లు ఉండేవి కాదు. భక్తులు నిచ్చెనలు, తాళ్ల సాయంతో కొండపైకి చేరుకునే వారు. కొండపైన శివాలయం, అయ్యప్ప స్వామి ఆలయాలు ఉన్నాయి. మెట్ల మార్గంలో గణపతి, వేంకటేశ్వరస్వామి, అలివేలు మంగమ్మ తల్లి విగ్రహాలు దర్శనమిస్తాయి. పులిగుండు దిగువన పులిగుండేశ్వర ఆలయం, ఆంజనేయస్వామి ఆలయాలు ఉన్నాయి.

Puligundu tourist place
Puligundu tourist place

ఇక్కడ ప్రతి ఏటా సంక్రాంతి ఉత్సవాలు ఘనంగా జరుగుతుంటాయి. కనుమ రోజున పులిగుండేశ్వరస్వామి ఉత్సవాలు ఘనంగా నిర్వహిస్తారు. పులిగుండు సమీపంలో సహజ సిద్ధంగా ఏర్పడిన కోనేరు కూడా పర్యాటకులను విశేషంగా ఆకట్టుకుంటుంది.

 

 

 


Share

Related posts

Radhe Shyam: తగ్గేదే లేదు అంటున్న ప్రభాస్..??

sekhar

ఆర్మీ రిక్రూట్మెంట్ ర్యాలీ

bharani jella

vinegar: వెనిగర్ తో,ఉప్పును కలిపి దానిపై  రాస్తే మంచి ప్రయోజనం ఉంటుంది!!

siddhu