అమ్మాయిలు ఎప్పుడూ కలల్లో బతుకుతారు.. వాస్తవానికి దూరంగా ఎక్కడో డ్రీమ్స్ లో ఉంటారు. తల్లిదండ్రులు రాకుమారిలా పెంచుతారు. అమ్మాయిలు కూడా అలాగే అనుకుంటారు. తర్వాత ఓ వెదవ తగులుతాడు. నువ్వు దేవతవి అంటాడు. అది ఇంకా నిజం అనుకుంటది. కానీ బేసికల్ గా వాళ్లకు మంచి లాజికల్ బ్రెయిన్ ఉంది. సెక్యూరిటీ చూసుకుంటారు. రిస్కులు చేయరు. ఎక్కువ ప్రేమిస్తారు.. ఎక్కువ ఫీల్ అవుతారు.. ఫేస్ రీడింగ్ బాగా వచ్చు. అన్నీ మంచి లక్షణాలే ఉన్నాయి కానీ పొగడ్తలకు పడిపోతారు. అనుక్షణం పొగడ్తల కోసం వెయిట్ చేస్తుంటారు. పాపం.. అబ్బాయిలు పక్కింటి అమ్మాయితో అడ్జస్ట్ అవుతారు. కానీ వీళ్లకి పక్కింటి అబ్బాయిలు సరిపోరు. ఎప్పుడూ సినిమా హీరోలే కావాలి. సిక్స్ ప్యాక్ ఉండాలి.. ఆరడుగులు ఉండాలి.. ప్రపంచం అంతా అతడిని చూసి భయపడాలి.. అతడు రాత్రంతా వాళ్ల కాళ్లు పట్టాలి.. అంటూ పూరీ తన లేటెస్ట్ ఆడియోలో చెప్పుకొచ్చారు.
గత కొన్ని రోజులుగా పూరీ జగన్నాథ్.. పురీ మ్యూజింగ్స్ పేరుతో పాడ్ కాస్ట్ నిర్వహిస్తున్న సంగతి తెలిసిందే. ఒక మంచి టాపిక్ ను తీసుకొని దాని మీద ఆయన మాట్లాడుతున్నారు. వాటిని తన యూట్యూబ్ చానెల్ లో విడుదల చేస్తున్నారు.
తాజాగా అమ్మాయిల మీద మాట్లాడిన పూరీ జగన్నాథ్.. అమ్మాయిలకు సిక్స్ ప్యాక్ ఉన్న అబ్బాయిలు కావాలని.. సినిమా హీరోలు కావాలని కలలు కంటారని చెప్పారు. అదే అబ్బాయిలు మాత్రం పక్కింటి అమ్మాయితోనైనా అడ్జస్ట్ అవుతారన్నారు.
ఇంకా ఆయన ఏమన్నారో ఆయన మాటల్లోనే వినండి…
