Pushpa: అల్లు అర్జున్ హీరోగా నటించిన ‘పుష్ప’ ఇప్పటికీ రికార్డుల మోత మోగిసస్తూనే ఉంది. హిందీలో అయితే ఈ సినిమాకు వచ్చిన పాపులారిటీ అంతా ఇంతా కాదు. బాలీవుడ్ స్టార్స్ మొదలుకొని అంతర్జాతీయ వ్యాప్తంగా క్రికెటర్లు, ఇతర క్రీడాకారులు ఈ సినిమా ను తెగ పొగిడేస్తున్నారు. ఇందులో అల్లు అర్జున్ మేనరిజమ్స్, డాన్స్ లను వీడియోల రూపంలో చేస్తున్నారు.
ఇవన్నీ పక్కన పెడితే అల్లుఅర్జున్ అనుకోకుండా ఈ ఒక్క సినిమాతో పాన్ ఇండియా స్టార్ అయిపోయాడు. గతంలో కూడా అల్లు అర్జున్ నటించిన చిత్రం లోని పాటలు 100 మిలియన్ వ్యూస్ పైగా సాధించాయి. ఇక యూట్యూబ్లో తెలుగు సినిమా పాటలు 100 మిలియన్ వ్యూస్ దక్కించుకోవడం చాలా పెద్ద విషయం గా భావించారు.
అయితే అల్లు అర్జున్ నటించిన ‘అల వైకుంఠ పురంలో’ పాటలు వరుస పెట్టి ఈ ఘనత సాధించాయి. ఆ తర్వాత చాలా తెలుగు పాటలు ఈ మార్క్ అందుకున్నాయి. అయితే పుష్ప సినిమాలోని శ్రీవల్లి తెలుగు వర్షన్ 130 మిలియన్ వ్యూస్ దక్కించుకుంది. ఇది టాలీవుడ్ జనాలకి పెద్ద విషయం కాదు. అయితే ఇక్కడ విశేషం ఏమిటంటే శ్రీవల్లి హిందీ వర్షన్ కూడా 100 మిలియన్ పైగా వ్యూస్ దక్కించుకుంది.
ఒక తెలుగు పాట లేదా ఇతర దక్షిణ భారతదేశ భాష లో చిత్రీకరించిన పాట హిందీలో డబ్ అయి 100 మిలియన్ వ్యూస్ సాధించడం అంటే చిన్న విషయం కాదు. ఇక ఈ అరుదైన రికార్డు శ్రీవల్లి దక్కించుకోవడంతో అల్లుఅర్జున్ అభిమానుల ఆనందానికి హద్దులేకుండా పోయింది. ఈ సినిమాలో ప్రతి పాట కూడా సూపర్ హిట్. ఈ మధ్యకాలంలో ఒక సినిమా పాటలు ఇంతలా హిట్ కావడం అలాగే ఇతర భాషల్లో కూడా రికార్డు సాధించడం జరగలేదు.
ఇక శ్రీవల్లి స్టెప్ కు వచ్చిన స్పందన అంతా ఇంతా కాదు. అన్ని భాషల వారు విపరీతంగా ఇష్టపడిన పుష్ప సినిమా రానున్న రోజుల్లో మరెన్ని రికార్డులు కొడుతుందో చూడాలి. స్టైలిష్ స్టార్ నుండి ఐకాన్ స్టార్ గా మారిన అల్లు అర్జున్ ఒకే ఒక్క సినిమాతో పాన్ ఇండియా స్టార్ గా కూడా ఎదిగిపోయాడు అనడంలో ఎలాంటి అతిశయోక్తి లేదు.