బిగ్ బాస్ తెలుగు సీజన్ 4 ప్రస్తుతం జోష్ లో ఉంది. ఇది కదా తెలుగు ప్రేక్షకులకు కావాల్సింది. ఇప్పుడు అసలు ఆట మొదలైంది. ఇన్ని రోజులు ఆడింది ఒక ఎత్తు. ఇప్పుడు ఆడేది ఇంకో ఎత్తు.
ఫైనల్స్ కు ఒక అడుగు దూరంలో ఉన్నారు కంటెస్టెంట్లు అంతా. ప్రస్తుతం హౌస్ లో ఉన్నది ఏడుగురు సభ్యులే. అందులో అరియానా, సోహెల్ తప్పించి.. మిగితా వాళ్లంతా ఈ వారం నామినేట్ అయ్యారు.
అంటే.. అవినాష్, అభిజీత్, అఖిల్, మోనల్, హారిక.. ఐదుగురిలో ఒకరు ఈ వారం ఇంటి నుంచి బయటికి వెళ్లిపోతారు. అంటే ఇక మిగిలేది ఆరుగురే.
అయితే.. బిగ్ బాస్ రేస్ టు ఫినాలేను తాజాగా స్టార్ట్ చేశాడు. రేస్ టు ఫినాలేలో భాగంగా.. ఫినాలేకు వెళ్లేందుకు టికెట్ పొందడం కోసం బిగ్ బాస్ ఇంటి సభ్యులకు ఒక టాస్క్ ఇచ్చాడు.
ఆ టాస్క్ లో గెలిచిన వాళ్లకు రేస్ టు ఫినాలేకు సంబంధించిన మెడల్ లభిస్తుంది. ఆ మెడల్ తో వాళ్లు డైరెక్ట్ గా ఫైనల్స్ కు వెళ్లొచ్చు. ట్రోఫీ కోసం పోటీ పడొచ్చు.
అయితే.. ఈ టాస్క్ లో ఎవరు గెలిచారు? ఎవరు ఫినాలే మెడల్ గెలుచుకున్నారో తెలియాలంటే మాత్రం ఈరోజు రాత్రి ప్రసారమయ్యే బిగ్ బాస్ ఎపిసోడ్ చూడాల్సిందే. ఇక.. దానికి సంబంధించిన ప్రోమోను మాత్రం తాజాగా విడుదల చేశారు.