Radhe Shyam : నిన్ననే ‘రాధే శ్యామ్’ టీజర్ ప్రేక్షకుల ముందుకు వచ్చింది. ప్రభాస్ హీరోగా పూజా హెగ్డే జంటగా రాధాకృష్ణ తెరకెక్కిస్తున్న ఈ చిత్రం యువి క్రియేషన్స్ వారు ప్రతిష్ఠాత్మకంగా నిర్మించారు. వాలెంటైన్స్ డే కానుకగా ఆదివారం విడుదలైన గ్లింప్స్ లో లో ఒక డైలాగ్ అందరికీ నచ్చింది.
“నువ్వు ఏమైనా రోమియో అనుకుంటున్నావా?” అని పూజ హెగ్డే అడిగితే ‘ఛ..! ప్రేమ కోసం చచ్చాడు…. నేను ఆ టైప్ కాదు” అని ప్రభాస్ డైలాగ్ చెబుతాడు. ఈ సినిమా పాన్ ఇండియా రేంజ్లో తెరకెక్కుతోంది. ప్రభాస్ పూర్తి స్థాయి లవ్ స్టోరీ సినిమా చేసి చాలా రోజులు అయిపోయింది. డార్లింగ్, మిస్టర్ పర్ఫెక్ట్ తర్వాత ఇలాంటి ప్రేమకథను ప్రభాస్ ఎంచుకోవడం…. యాక్షన్ సినిమాల తో దూసుకుపోతున్న సమయంలో లవ్ స్టోరీ చేయడమనేది ప్రభాస్ అభిమానులకు ఆశ్చర్యం కలిగించింది.
ఇక ఈ చిత్రం నిర్మాణ సంస్థ ఇన్ని రోజులు…. అప్డేట్ ఇచ్చేందుకు చాలా సమయం తీసుకుంది. అందుకు ప్రభాస్ ఫ్యాన్స్ కోపంగా కూడా ఉన్నారు. అయితే టీజర్ అప్ డేట్ వస్తే సంబరపడ్డారు. ఇక టీజర్ చూసి కొద్దిగా నిరాశ చెందారు అని చెప్పాలి. టీజర్ మొదట్లో ఇటాలియన్ బాషలో డైలాగ్స్ వారికి పెద్దగా నచ్చలేదు.
పైగా డై హార్డ్ అభిమానులు అయితే ఈ చిత్రం బి, సి సెంటర్స్ లో ఆడదు అని…. కలెక్షన్లు ఎక్కువ రావు అని కూడా చెబుతున్నారు. పూర్తి స్థాయి లవ్ స్టోరీ లో యాక్షన్ లేకపోతే చిత్రం థియేటర్ల వద్ద నిలవదని అంటున్నారు. ఇక ‘రాధే శ్యామ్’ విడుదలకు 10 రోజుల తర్వాత కే జి ఎఫ్ పార్ట్ 2 చిత్రం రిలీజ్ కూడా ఉంది. ఆ సినిమా హైప్ ను ఈ సినిమా తట్టుకోవాలంటే సినిమాలో ఇలాంటి డైలాగ్స్ పెడితే చాలామంది ప్రేక్షకులకు నచ్చదు అని వారి భావన.