నరసాపురం ఎంపీ వైసీపీ రెబల్ క్యాండెట్ రఘురామకృష్ణంరాజు సీఎం జగన్ పై తీవ్రస్థాయిలో వ్యాఖ్యలు చేశారు. మూడు రాజధానులు విషయంలో న్యాయస్థానం నుండి తీర్పు రాకముందే జగన్ దుకాణం మొత్తం విశాఖపట్టణానికి మార్చేస్తున్నారు అంటూ ఆరోపించారు. వచ్చే సంక్రాంతి లోపు అమరావతి ని వదిలేసి పరిపాలన మొత్తం విశాఖపట్టణం కేంద్రంగా వైయస్ జగన్ చేయబోతున్నట్లు రఘురామ కృష్ణంరాజు పేర్కొన్నారు.
తనతో పాటు కొద్ది మంది అధికారులను తీసుకెళ్లి మిలీనియం టవర్ లో మకాం పెట్టే అవకాశం ఉందని తనకు సమాచారం వచ్చిందని తెలిపారు. ఈ క్రమంలో చట్టపరమైన ఇబ్బందులు ఎదురవుతాయి ఏమో జగన్ అంటూ హెచ్చరికలు జారీ చేశారు. మూడు రాజధానులు విషయంలో ఇంకా మహా అయితే నెల రోజుల్లో న్యాయస్థానాల నుండి తీర్పు వచ్చే అవకాశం ఉందని చెప్పుకొచ్చారు.
ఇటువంటి పరిస్థితుల్లో జగన్ అమరావతి లో ఉంటేనే బెటరని పేర్కొన్నారు. గతంలో జయలలిత చెన్నై ని వదిలేసి పోటీలో తన ఎస్టేట్ నుంచి పరిపాలన చేయటం జరిగిందని ఇప్పుడు ముఖ్యమంత్రి జగన్ కూడా అదే ఫాలో అవుతున్నారు అంటూ మరోపక్క ఎద్దేవా చేస్తూ కామెంట్ చేశారు. దేశ అత్యున్నత న్యాయస్థానం సుప్రీంకోర్టు సైతం దృష్టిసారించిన ఏపీ రాజధాని అమరావతి పై జగన్ ఇష్టం లేకనే మకాం మార్చుతున్నట్లు విమర్శల వర్షం కురిపించారు. ఇటీవల మినీ రచ్చబండలో పాల్గొన్న రఘురామకృష్ణంరాజు ఈ వ్యాఖ్యలు చేయటంతో వైసీపీ పార్టీలో ఏపీ రాజకీయాల్లో పెద్ద చర్చనీయాంశంగా మారాయి.
