బిగ్ బాస్ 3 విన్నర్ రాహుల్ సిప్లిగంజ్, బిగ్ బాస్ 3 కంటెస్టెంట్ అషు రెడ్డి మధ్య ఏం నడుస్తోంది. ఈ ప్రశ్న బాహుబలి కట్టప్ప ప్రశ్నలాగనే మిగిలిపోనుందా? అంటే నో.. వాళ్లిద్దరి మధ్య ఏముందో తాజాగా తెలిసిపోయింది.
తాజాగా రాహుల్ సిప్లిగంజ్, అషు రెడ్డి ఇద్దరూ ఆర్ జే కాజల్ యూట్యూబ్ చానెల్ లో ఇంటర్వ్యూ ఇచ్చారు. అయితే.. అసలు వీళ్లిద్దరి మధ్య ఏం నడుస్తోంది.. అని అడిగితే.. మా మధ్య ఫిజిక్స్, కెమిస్ట్రీ, ఇంకా హిస్టరీ కూడా నడుస్తోంది అంటూ రాహుల్ ఆర్జే కాజల్ కే షాకిచ్చాడు.
నిజానికి.. వీళ్లిద్దరూ కలిసి చాలాసార్లు పార్టీలు చేసుకున్నారు. పబ్ లకు వెళ్లారు. వాళ్లు క్లోజ్ గా ఉన్న ఫోటోలు సోషల్ మీడియాలో వైరల్ అయ్యాయి. దీంతో అమ్మో… బిగ్ బాస్ హౌస్ లో రాహుల్… పునర్నవిని పడేశాడు. బయటికి వచ్చాక అషురెడ్డిని పడేశాడు. ఇద్దరూ కలిసి చెట్టాపట్టాలేసుకొని తిరుగుతున్నారు కదా… అంటూ నెటిజన్లు కామెంట్లు చేస్తున్నారు.
దీంతో ఆర్జే కాజల్ కూడా అసలు.. వీళ్లిద్దరి మధ్య ఏముంది అని అడిగితే.. మా ఆలోచన విధానం ఒకే విధంగా ఉంటుంది కాబట్టి.. మేం కలిసి పార్టీ చేసుకుంటున్నం. మేం ఫ్రెండ్స్ కంటే ఎక్కువ. అలాగని ఆ టైప్ రిలేషన్ షిప్ కాదంటూ వాళ్లిద్దరి మధ్య ఉన్నదేంటో చెప్పేశారు.
ఇంకా.. వాళ్ల పర్సనల్ లైఫ్, మూవీస్ ముచ్చట్లు.. అన్నీ ఆర్జే కాజల్ ఇంటర్వ్యూలో చెప్పుకొచ్చారు. ఇంకెందుకు ఆలస్యం.. మీరు కూడా వాళ్ల ఇంటర్వ్యూను చూసేయండి.