బిగ్ బాస్ విన్నర్స్ అంతా ఒకే స్టేజి మీద ఉంటే ఎలా ఉంటది. అబ్బ.. చూడముచ్చటగా ఉంటుంది కదా. అయితే.. బిగ్ బాస్ తెలుగు నాలుగు సీజన్ల విజేతలను మాత్రం ఒకేసారి చూడలేకపోయాం కానీ.. బిగ్ బాస్ 2, 3 సీజన్ విజేతలను మాత్రం చూసే చాన్స్ ప్రేక్షకులకు దక్కింది. జీ తెలుగులో కొత్తగా బిగ్ సెలబ్రిటీ చాలెంజ్ అనే షోను స్టార్ట్ చేస్తున్నారు. ఈ డిసెంబర్ 27న రాత్రి 9 గంటలకు ఈ ప్రోగ్రామ్ స్టార్ట్ అవుతుంది.
ఈ షోకు యాంకర్ సుమ, యాంకర్ రవి హోస్టులుగా వ్యవహరిస్తున్నారు. ఇక.. బిగ్ సెలబ్రిటీ చాలెంజ్ అంటే సెలబ్రిటీలు ఉండాలి కదా.. అందుకే బిగ్ బాస్ 2, 3 విన్నర్స్ కౌశల్, రాహుల్ సిప్లిగంజ్.. ఇద్దరు ఈ బిగ్ సెలబ్రటీ చాలెంజ్ లో పాల్గొన్నారు.
ఈ షోలో భాగంగా.. కొందరు రకరకాల విన్యాసాలు చేస్తారు. స్టంట్లు చేస్తారు. మ్యాజిక్కులు చేస్తారు. వీటన్నింటినీ రాహుల్, కౌశల్ కలిసి చాలెంజ్ చేయాల్సి ఉంటుంది. సరికొత్త కాన్సెప్ట్ తో వస్తున్న ఈ ప్రోగ్రామ్ లో రాహుల్, కౌశల్ మాత్రం తెగ సందడి చేస్తారు. వాళ్లు చేసిన రచ్చకు సంబంధించిన ప్రోమోను తాజాగా జీ తెలుగు విడుదల చేసింది. ఇంకెందుకు ఆలస్యం.. వెంటనే ఈ ప్రోమో చూసేయండి.
ఇక.. యాంకర్లు రవి, సుమ గురించి ప్రత్యేకంగా చెప్పుకోవాల్సిన పని లేదు. సుమక్క ఉందంటేనే ఆ షో హిట్టు. తన యాంకరింగ్ తో అందరినీ కడుపుబ్బా నవ్విస్తుంది సుమ. రవి కూడా అంతే. తన కుళ్లు పంచులతో ప్రేక్షకులను ఎంటర్ టైన్ చేయడంలో దిట్ట. అందుకే ఈ షో సూపర్ హిట్టే ఇక.. అంటూ నెటిజన్లు కామెంట్లు చేస్తున్నారు.