ఒక సింగర్ గా తన కెరీర్ ను ప్రారంభించి సొంత ఆల్బమ్ లతో సత్తా చాటి అతి కొద్ది కాలంలోనే ఎంతో పాపులారిటీ సంపాదించుకున్న సింగర్ రాహుల్ సిప్లిగంజ్ యూత్ లో మంచి క్రేజ్ ను అందుకున్నాడు. అదే క్రమంలో తనకు వచ్చిన ప్రతి ఒక్క అవకాశాన్ని అంది పుచ్చుకుంటూ దూసుకుపోయాడు. గత ఏడాది సీజన్ 3 బిగ్ బాస్ విన్నర్ రాహుల్ ఈసారి ఎలిమినేట్ అయిన కంటెస్టెంట్ లను ఇంటర్వ్యూ చేసే హోస్ట్ గా నటిస్తున్నాడు.
ఒక ఇద్దరు కంటెస్టెంట్ లను ఉద్దేశించి అతను చేసిన వ్యాఖ్యలు దుమారం రేపుతున్నాయి. బిగ్ బాస్ నిర్వహించే టాక్ షో హోస్ట్ గా పనిచేస్తున్న వారు వ్యక్తిగతంగా తనకు నచ్చిన కంటెస్టెంట్ లకు మద్దతు ఇస్తున్నాడు అన్న ఆరోపణలు ఉన్నాయి. ఈ క్రమంలోనే నోయల్ ను దగ్గరుండి విన్నర్ చేస్తానని గతంలో రాహుల్ ప్రకటించాడు. ఇక అతడు వెళ్లిపోయిన తర్వాత అభిజిత్, హారికలకు సపోర్ట్ చేస్తున్నట్లు అనిపిస్తుంది.
ఈ నేపథ్యంలోనే ఒక ఇద్దరి కంటెస్టెంట్ల పై చేసిన కామెంట్లు వివాదాన్ని రేకెత్తించాయి. ఈ వివాదానికి సంబంధించిన ఎపిసోడ్ పూర్తి కాకముందే నామినేట్ అయిన కంటెస్టెంట్ ల పేర్లు బయటకు వచ్చాయి. ఈ నేపథ్యంలో తన ఇంస్టాగ్రామ్ స్టోరీలో అభిజిత్, హారిక నిజాయితీగా ఆడుతున్నారు…. వారికే నా మద్దతు అని రాసుకొచ్చాడు.
దీని పై సోషల్ మీడియాలో భారీ స్థాయిలో చర్చ జరుగుతోంది. ఇలా రాహుల్ స్వయంగా ఇద్దరికి మద్దతునివ్వడంతో అఖిల్ అభిమానులు అతనిని దారుణంగా ట్రోల్ చేస్తున్నారు.