Rajini Kanth : సౌత్ ఇండియన్ సూపర్ స్టార్ రజనీకాంత్ దర్బార్ సినిమా తర్వాత సిరుతై శివ దర్శకత్వంలో ఓ సినిమా చేస్తున్న సంగతి తెలిసిందే.. రజనీ నటిస్తున్న 168 వ సినిమా ఇది.. రజనీకాంత్ అభిమానులు ఎంతగానో ఎదురు చూస్తున్న 168 వ సినిమా “అన్నాతే ” నుంచి లేటెస్ట్ అప్ డేట్ వచ్చేసింది..
తాజా సమాచారం ప్రకారం, సూపర్ స్టార్ తిరిగి షూటింగ్ లో బిజీ కానున్నారు. మార్చి 17 నుంచి షూటింగ్ ప్రారంభం కానుందని టాక్ .. మరి ఈ షూటింగ్ చెన్నైలో జరుగుతుందా లేక హైదరాబాదులో జరుగుతుందా అనేది తెలియాల్సి ఉంది. భారీ బడ్జెట్ తో తెరకెక్కుతున్న ఈ సినిమాపై అభిమానుల్లో భారీ అంచనాలు ఉన్నాయి.
సన్ పిక్చర్స్ నిర్మిస్తున్న ఈ సినిమాలో మీనా, ఖుష్బూ కీలక పాత్రల్లో నటిస్తున్నారు.. ప్రకాష్ రాజ్, కీర్తి సురేష్, సూరి ముఖ్య పాత్రలు పోషించనున్నారు. లేడీ సూపర్ స్టార్ నయనతార ఈ సినిమాలో ప్రముఖ పాత్ర పోషించినుంది. ఈ సినిమా దీపావళి కానుకగా నవంబర్ 5న ప్రేక్షకుల ముందుకు తీసుకురానున్నారు మేకర్స్.