కోలీవుడ్ సూపర్ స్టార్ రజనీకాంత్ సినిమా వస్తుందంటే అభిమానులకు పండగే పండగ. ఎప్పుడెప్పుడు ఆ చిత్రాన్ని చూసేద్దామా అంటూ ఎదురుచూస్తూ వుంటారు ఫ్యాన్స్. ఇలా ఆశించే అభిమానులు కేవలం తమిళనాడులోనే కాకుండా తెలుగు నాట కూడా వున్నారు. నిజానికి రజనీ బొమ్మ థియేటర్ లో పడిందంటే ఆ సందడే వేరని చెప్పాలి. ఇక రజనీకాంత్ తాజా చిత్రం ‘అన్నాత్తే’. మాస్ డైరెక్టర్ శివ దర్శకత్వంలో వస్తున్న ఈ మూవీలో ఖుష్బూ, మీనా, నయనతార హీరోయిన్లుగా నటిస్తుండగా, కీర్తి సురేష్, సూరి, ప్రకాష్ రాజ్ కీలక పాత్రలో కనిపించనున్నారు.
కాగా తాజాగా రజనీ అభిమానులకు బాధకలిగించే విషయం ఒకటి కోలీవుడ్ మీడియాలో చక్కర్లు కొడుతుందట. ఇప్పటి వరకు రజనీ రాజకీయ ప్రవేశం పై ఎన్నో అనుమానాలు ఉండేవి. కానీ ఈ విషయంలో క్లారిటీ వచ్చేసింది. అంతే కాదు డిసెంబర్ 31న పార్టీని ప్రకటించబోతున్నట్లు అధికారికంగా చెప్పేశాడు రజనీకాంత్. ఇలా రజినీకాంత్ రాజకీయ రంగ ప్రవేశం గురించి క్లారిటీ వచ్చిన ఈ సమయంలోనే ఆయన ప్రస్తుతం నటిస్తున్న అన్నాత్తే సినిమా పరిస్థితి ఏంటీ అనే అంశం ఇప్పుడు చర్చగా మారిందట. ఈ మధ్యకాలంలో అసలే సరైన హిట్లు లేక అభిమానుల ఆశలను నిరాశపరుస్తున్న ఈ సూపర్ స్టార్ కనీసం ‘అన్నాత్తే’ చిత్రంతో అయినా అశేష అభిమానులను అలరిస్తాడనుకుంటే ఈ వార్త అభిమానులను ఆందోళనకు గురిచేస్తుందని అంటున్నారు.
తమిళ సినీ వర్గాల నుండి అందుతున్న సమాచారం ప్రకారం ఈ సినిమా షూటింగ్ ఆగిపోయినట్లే అంటున్నారు. దీనికి కారణం లేకపోలేదు. ఈ మూవీని వచ్చే ఏడాది అంటే మార్చి లేదా ఏప్రిల్ తర్వాత మొదలు పెట్టాలన్న ఆలోచనలో ఉన్నారట మేకర్స్. ఈ లోపల అదృష్టం బాగుండి రజినీకాంత్ సీఎం అయితే ‘అన్నాత్తే’ ఉంటుందా లేదా అనేది క్లారిటీ లేదు. ఒకవేళ రజని ని పదవి వరించాక కూడా ఇచ్చిన కమింట్మెంట్ ప్రకారం చిత్రాన్ని పూర్తిచేస్తే ఈ సినిమా చరిత్రలో నిలవడం ఖాయమంటున్నారట. రజనీ సీఎం అయ్యాక వచ్చే ఫస్ట్ మూవీ అన్నాత్తే అవుతుంది. కాబట్టి ఆ రకంగా చూస్తే ఈ సినిమా సంచలనం సృష్ఠిస్తుందని భావిస్తున్నారట. చూడాలి మరి ఏం జరగనుందో.
Gruhalakshmi: అవకాశాలు కావాలంటే క్యాస్టింగ్ కౌచ్ కి ఓకే చెప్పాల్సిందే... గృహలక్ష్మి ఫేమ్ తులసి సంచలన వ్యాఖ్యలు..!