Rakul preeth singh: రాక్షసుడు..తమిళంలో రాక్షసన్గా రూపొంది భారీ హిట్ అయిన సినిమాకి తెలుగులో రీమేక్గా నిర్మించారు. ఈ సినిమా మంచి వసూళ్ళు రాబట్టింది. సైకో థ్రిల్లర్గా వచ్చిన ఈ సినిమాలో బెల్లంకొండ సాయి శ్రీనివాస్ – అనుపమ పరమేశ్వరన్ జంటగా నటించారు. రమేశ్ వర్మ ఈ సినిమాను తమిళ మాతృకలో ఉన్నది ఉన్నట్టుగా దించాడు. అయినా మన తెలుగు ప్రేక్షకులను బాగా ఆకట్టుకుంది. అంతేకాదు అల్లుడు శీను సినిమా నుంచి ఇప్పటి వరకు బెల్లంకొండ సాయి శ్రీనివాస్ నటించిన వాటిలో సూపర్ హిట్గా నిలిచిన సినిమా రాక్షసుడు మాత్రమే. ఈ సినిమా తర్వాతే ఈ యంగ్ హీరో క్రేజ్ కాస్త పెరిగింది.
అయితే తెలుగు, తమిళంలో సూపర్ హిట్గా నిలిచిన రాక్షసుడు చిత్రాన్ని హిందీలో నిర్మించడానికి బాలీవుడ్ స్టార్ హీరో అక్షయ్ కుమార్ రీమేక్ రైట్స్ దక్కించుకున్నారు. అయితే రైట్స్ దక్కించుకున్నప్పటి నుంచి ఇందులో ఎవరు నటిస్తారనే విషయంలో సస్పెన్స్ నెలకొంది. ఆ సస్పెన్స్ కి తాజాగా అక్షయ్ కుమార్ క్లారిటీ ఇచ్చినట్టు తాజాగా బాలీవుడ్ మీడియాలో వార్తలు వస్తున్నాయి. చాలా తక్కువ బడ్జెట్తో అక్షయ్ ఈ సినిమాను కేవలం 30 నుంచి 40 రోజుల్లోనే పూర్తి చేయాలనుకుంటున్నారట. అంతేకాదు ఈ సినిమాలో హీరోగా అక్షయ్ కుమార్ చేయాలని నిర్ణయించుకున్నట్టు సమాచారం.
Rakul preeth singh: ప్రస్తుతం రకుల్ బాలీవుడ్లో బిజీ హీరోయిన్.
ఆయన సొంత నిర్మాణ సంస్థలో నిర్మించే ఈ సినిమాలో హీరోయిన్గా రకుల్ ప్రీత్ సింగ్ని ఎంచుకున్నట్టు తెలుస్తోంది. ఇప్పటికే రకుల్ని ఫైనల్ కూడా చేసినట్టు ..త్వరలో అధికారకంగా రకుల్ ప్రీత్ని ప్రకటించనున్నట్టు టాక్ వినిపిస్తోంది. బాలీవుడ్లో రకుల్ బాగానే సినిమాలు చేస్తూ బిజీగా ఉంది. టాలీవుడ్లో ఆమెకి పెద్దగా అవకాశాలు లేనప్పటికీ బాలీవుడ్లో మాత్రం అజయ్ దేవగణ్, అలాగే యంగ్ హీరోతోనూ నటిస్తోంది. ప్రస్తుతం రకుల్ బాలీవుడ్లో బిజీ హీరోయిన్. ఇదే క్రమంలో ఆమెకి మరో క్రేజీ రీమేక్లో అవకాశం దక్కడం హాట్ టాపిక్గా మారింది. చూడాలి మరి మళ్ళీ టాలీవుడ్లో ఎప్పుడు బిజీగా మారనుందో.