Ram Charan: ప్రస్తుతం మూవీ ఇండస్ట్రీలో ఒక భాషలో రిలీజైన సినిమా ట్రైలర్ని వేరే భాషలోని హీరోలు సోషల్ మీడియా వేదికగా మెచ్చుకోవడం పరిపాటిగా మారింది. అలా అభినందనలు తెలిపిన హీరోకి వెంటనే సదరు సినిమా హీరోలు కృతజ్ఞతలు తెలుపుతున్నారు. ఒకవేళ కృతజ్ఞతలు తెలపకపోతే వారి అభిమానులు రంగంలోకి దిగి ఆ హీరోలను ఒక ఆట ఆడుకుంటున్నారు. “మా హీరో మంచి మనసుతో ట్రైలర్ బాగుందని చెబితే కనీసం థాంక్యూ కూడా చెప్పలేనంత అహం ఉందా మీలో” అంటూ ఫ్యాన్స్ ఏకిపారేస్తున్నారు. తాజాగా ఓ బాలీవుడ్ హీరో ఇలాంటి విమర్శలకే బాధితుడవుతున్నాడు.
Ram Charan: అక్షయ్ కుమార్పై చెర్రీ ఫ్యాన్స్ ఫైర్
ప్రస్తుతం అక్షయ్ కుమార్పై మెగా పవర్ స్టార్ రామ్ చరణ్ అభిమానులు ఫైర్ అవుతున్నారు. ఎందుకంటే అక్షయ్ కుమార్ ‘రక్షా-బంధన్’ సినిమా ట్రైలర్ని ట్విట్టర్ వేదికగా చరణ్ పొగిడాడు. వాట్ ఏ ట్రైలర్ అని ట్విట్ చేశాడు. అంతేకాకుండా ఆ సినిమా దర్శకుడికి బర్త్ డే విషెస్ కూడా చెప్పాడు. ఈ ట్వీట్కి రిప్లై ఇచ్చాడు అక్షయ్ కుమార్. అప్పుడే అతను పప్పులో కాలేశాడు. చరణ్ చేసిన ట్వీట్ కు ‘థాంక్యూ అన్న’ అంటూ అక్షయ్ కుమార్ బదులిచ్చాడు. దాంతో రామ్ చరణ్ అభిమానులు అక్షయ్ కుమార్ పై ఒంటికాలితో లేస్తున్నారు.
అలా అందుకే చెర్రీ ఫాన్స్ హర్ట్
“ఎప్పుడో భూమి పుట్టకముందు పుట్టావు, నువ్వు రామ్ చరణ్ ని అన్న అని సంబోధించడం ఏంటి?” అని అక్షయ్ కుమార్ పై ఫ్యాన్స్ విరుచుకుపడుతున్నారు. అక్షయ్ కుమార్ కి తన వయసు గుర్తు చేశారు రామ్ చరణ్ అభిమానులు. అక్షయ్ కుమార్ లాంటి సీనియర్ నటుడు రామ్ చరణ్ ని అన్న అని పిలవటం ఫ్యాన్స్ జీర్ణించుకోలేకపోతున్నారు. మెగాస్టార్ చిరంజీవిని అన్న అని పిలిచినా పర్వాలేదు కానీ కుర్ర హీరోని పట్టుకొని అన్న పిలవడం ఏమైనా బాగుందా అని ఇంకొందరు ప్రశ్నిస్తున్నారు. ఆ విధంగా అక్షయ్ ఇప్పుడు రామ్చరణ్ అభిమానులు ఆగ్రహానికి గురవుతున్నాడు.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?