తాజాగా మెగా పవర్ స్టార్ రామ్ చరణ్ గురించి టాలీవుడ్ హీరోయిన్ సమంత ఆసక్తికర కామెంట్స్ చేసింది. గతంలో వీరిద్దరి కాంబినేషన్లో వచ్చిన ‘రంగస్థలం’ సినిమా సూపర్ డూపర్ హిట్ అయిన విషయం తెలిసిందే. ప్రస్తుతం వీరిద్దరూ ఎవరి సినిమాల్లో వారు బిజీగా ఉన్నారు. ఇటీవల సమంత పాపులర్ టాక్ షో ‘కాఫీ విత్ కరణ్’లో పాల్గొన్న సంగతి విధితమే. ఈ షోలో రామ్ చరణ్ గురించి కరణ్ అడిగిన ప్రశ్నకి సామ్ ఇంట్రెస్టింగ్ ఆన్సర్ ఇచ్చింది. చెర్రీకి ఒక అద్భుతమైన ట్యాగ్ ఇచ్చింది. చరణ్ గురించి ఒక మాటలో చెప్పమని కరణ్ అడగగా సమంత “చరణ్ ఒక OG”అని చెప్పింది.
ఓజీ అంటే ఏంటి?
చరణ్ కి ఓజీ అనే ట్యాగ్ ని ఇవ్వడంతో మెగా అభిమానులందరూ ఓజీ అంటే ఏంటో తెలుసుకోవడానికి గూగుల్ లో సెర్చ్ చేస్తున్నారు. ఇంతకీ ఓజీ అంటే ఏంటి? OG అని వర్డ్ సాధారణంగా ఒరిజినల్ గ్యాంగ్స్టార్ కి షార్ట్ వర్డ్ గా వాడతారు. అసాధారణమైన హీరో, క్లాసిక్ ఒరిజినల్ స్టైల్ ఉన్న వ్యక్తిని OG గా పిలుస్తుంటారు. ఈ పదం అసలు అర్థం తెలుసుకున్న అభిమానులు సామ్ కి థాంక్స్ చెబుతున్నారు. రామ్ చరణ్ అన్నకి సరిగ్గా సూటయ్యే ట్యాగ్ ఇచ్చావు అని పొగుడుతున్నారు. ప్రస్తుతం సమంత, రామ్ చరణ్ కు ఇచ్చిన ట్యాగ్ సోషల్ మీడియాలో వైరల్ అవుతుంది.
సినిమా అప్డేట్స్
ఆర్ఆర్ఆర్ తర్వాత రామ్ చరణ్ శంకర్ డైరెక్షన్లో వచ్చే ఓ మూవీతో బిజీగా ఉన్నాడు. ఇక సమంత బాలీవుడ్ లో వరుస అవకాశాలతో బిజీ అయిపోయింది. చెర్రీకి ‘ఓజీ’ అనే ట్యాగ్ ఇచ్చిన సమంత అల్లు అర్జున్కి ‘మ్యాజిక్’ అనే టాగ్ ఇచ్చింది. ఇలా హీరోలందరికీ ఒక్కో అద్భుతమైన ట్యాగ్ ఇచ్చి ఆయా హీరోల అభిమానులు ఖుషి చేస్తోంది.