డివివి ఎంటర్టైన్మెంట్స్ బ్యానర్ లో ప్రముఖ నిర్మాత డివివి దానయ్య నిర్మిస్తున్న భారీ బడ్జెట్ పాన్ ఇండియిన్ సినిమా ఆర్ ఆర్ ఆర్. రాజమౌళి దర్శకంత్వంలో మెగా పవర్ స్టార్ రాం చరణ్, యంగ్ టైగర్ ఎన్.టి.ఆర్ హీరోలుగా నటిస్తున్నారు. ఈ సినిమాలో చరణ్ మన్యం వీరుడు అల్లూరి సీతారామరాజుగా నటిస్తుండగా చరణ్ కి జంటగా సీత పాత్రలో బాలీవుడ్ హీరోయిన్ ఆలియా భట్ నటిస్తోంది. ఇటీవలే ఈ సినిమా షూటింగ్ మొదలవగా ప్రస్తుతం ఎన్.టి.ఆర్ మీద చిత్రీకరణ జరుపుతున్నాడు రాజమౌళి.
ఇక త్వరలో రాం చరణ్, ఎన్.టి.ఆర్ పాల్గొనే సన్నివేశాలతో పాటు చరణ్ – ఆలియా భట్ పాల్గొనే కీలక సన్నివేశాలు అలాగే రాం చరణ్ – ఎన్.టి.ఆర్ – ఆలియా భట్ మీద కీలక సన్నివేశాలని తెరకెక్కించనున్నారట. ఇక ఈ సినిమా కంప్లీట్ చేసి మెగాస్టార్ చిరంజీవి – కొరటాల శివ కాంబినేషన్ లో రూపొందుతున్న ఆచార్య లోనూ చరణ్ నటించాల్సి ఉంది. ఈ సినిమాలో 30 నిముషాల ముఖ్య పాత్ర కోసం చరణ్ డేట్స్ సర్దుబాటు చేయాల్సి ఉండగా కుదిరితే ఆర్ ఆర్ ఆర్ కి గ్యాప్ వస్తే ఆ గ్యాప్ లో ఆచార్య చేయాలని చరణ్ భావిస్తున్నట్టు తెలుస్తుంది.
అయితే చరణ్ నటించే నెక్స్ట్ సినిమా ఏంటన్నది మాత్రం ఇంకా క్లారిటీ రావడం లేదు. ఎన్.టి.ఆర్ ఇప్పటికే త్రివిక్రం సినిమాలో నటించేందుకు గ్రీన్ సిగ్నల్ ఇచ్చాడు. అలాగే కేజీఎఫ్ దర్శకుడు ప్రశాంత్ నీల్ తోను ఒక సినిమా చేయబోతున్నాడు. అందుకే అందరు ఇప్పుడు చరణ్ మీదే దృష్టి పెట్టారు. అయితే చరణ్ మాత్రం ఒక ప్లానింగ్ లో ఉనట్టు సమాచారం.
ప్రముఖ సీనియర్ దర్శకులు కె.రాఘవేంద్ర రావు దర్శకత్వంలో సినిమా చేయాలన్న ఆలోచనలో చరణ్ ఉన్నట్టు తెలుస్తుంది. అందుకే ‘ఛలో’, ‘భీష్మ’ సినిమాలతో వరగా సూపర్ హిట్స్ అందుకున్న దర్శకుడు వెంకీ కుడుముల ని హోల్డ్ లో పెట్టినట్టు చెప్పుకుంటున్నారు. అంతే కాదు ప్రముఖ నిర్మాణ సంస్థ సితార ఎంటర్టైన్మెంట్స్ వారు ఇస్తానన్న అడ్వాన్స్ కూడా తొందరపడి తీసుకోలేదని సమాచారం. నిజంగా చరణ్ – రాఘవేంద్ర రావు కాంబినేషన్ లో సినిమా గనక వర్కౌట్ అయితే ఏ రేంజ్ లో ఉంటుందో ఊహించుకోవచ్చు.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!