రామ్ .. ఎనర్జీ గురించి ఎంత చెప్పుకున్నా తక్కువే. ఈ విషయం రామ్ నటించిన డెబ్యూ సినిమా దేవదాసు సినిమాతోనే ప్రూవ్ చేసుకున్నాడు. అయితే ఇప్పటి వరకు ram కెరీర్ లో ఎక్కువగా చేసింది క్లాస్ సినిమాలే. వాటిలో నేను శైలజ లాంటి సూపర్ హిట్స్ కూడా ఇన్నాయి. అయితే సినిమా ఇండస్ట్రీలో క్లాస్ ఆడియన్స్ కంటే మాస్ ఆడియన్సే ఎక్కువ. అందుకే కొత్త గా ఇండస్ట్రీకొచ్చిన ప్రతీ హీరో మాస్ హీరోగా ఇమేజ్ ని దక్కించుకోవడానికే విశ్వ ప్రయత్నాలు చేస్తుంటారు.
అయితే ram చాలా కాలంగా మాస్ హీరో ఇమేజ్ కోసం తెగ తాపత్రయపడ్డాడు. ఈ క్రమంలోనే జగడం లాంటి సినిమాలు కూడా చేశాడు. కాని ram అనుకున్న సాలీడ్ మాస్ హిట్ మాత్రం దక్కించుకోలేకపోయాడు. కాని ఫస్ట్ టైం పూరి జగన్నాధ్ ram ని ఇండస్ట్రీకి కొత్తగా పరిచయం చేశాడు. పతా హై మై కోన్ హూం…ఉస్తాద్ ఇస్మార్ట్ శంకర్.. అంటూ ఇస్మార్ట్ శంకర్ సినిమాలో ఊర మాస్ హీరోగా చూపించాడు. ఈ సినిమా హిట్ ram కి జీవితాంతం నిలిచిపోతుంది అనడం లో ఎలాంటి సందేహం లేదు. ఇన్నేళ్ళుగా ram నటించిన సినిమాలకి రాని ఇమేజ్ ఒక్క ఇస్మార్ట్ శంకర్ తోనే వచ్చేసింది.
ఈ సినిమా ఒక్క ram కి మాత్రమే కాదు డైరెక్టర్ గా పూరి జగన్నాధ్ కి నిధి అగర్వాల్, నభా నటేష్ లకి తిరుగులేని సక్సస్ ని ఇచ్చింది. అందుకే ఇప్పుడు ఈ ఎనర్జిటిక్ హీరో మాస్ సినిమాలు తప్ప క్లాస్ సినిమాలు చేసేందుకు అంతగా ఆసక్తిగా లేడని చెప్పుకుంటున్నారు. ఈ క్రమంలో రెడ్ సినిమా చేశాడు ram. క్రైమ్ థ్రిల్లర్ జానర్ లో తెరకెక్కిన ఈ సినిమాలో డ్యూయల్ రోల్ లో కనిపించబోతున్నాడు. కిషోర్ తిరుమల దర్శకత్వంలో రూపొందిన ఈ సినిమా సంక్రాంతి కానుకగా జనవరి 14 న విడుదల కాబోతుంది.
ఇక రీసెంట్ గా రిలీజ్ అయిన థియేట్రికల్ ట్రైలర్ ప్రేక్షకులని విపరీతంగా ఆకట్టుకుంది. ఇస్మార్ట్ శంకర్ తరువాత ram నుంచి వస్తున్న సినిమా రెడ్ కావడంతో.. ఇప్పటికే భారీ అంచనాలు పెరిగాయి. రామ్ కూడా బ్లాక్ బస్టర్ హిట్ దక్కబోతుందని ధీమాగా ఉన్నాడు. అందుకే ఎప్పుడో రిలీజ్ కావాల్సిన ఈ సినిమా థియేటర్స్ మూత పడటం వల్ల ల్యాబ్ కే పరిమితం చేశారు. మధ్య లో ఓటీటీ నుంచి మంచి ఆఫర్ వచ్చినా మేకర్స్ మాత్రం థియేటర్స్ రిలీజ్ చేయాలనే పట్టుదలగా ఉన్నారు. ఇక ram నెక్స్ట్ సినిమా ఏంటన్నది త్వరలో వెల్లడి కానుందని తెలుస్తోంది.