Rashi khanna : బబ్లీ హీరోయిన్ రాశిఖన్నా తెలుగు సినిమాల తో పాటు తమిళంలో 6 సినిమాలు చేస్తూ బిజీగా ఉంది. ఈ మధ్య రాశి రేంజ్ అండ్ క్రేజ్ తగ్గిందని సోషల్ మీడియాలో ప్రచారం జరిగింది. కానీ తన సినిమాల లైనప్ చూస్తే మాత్రం ఏ ఒక్కరు ఈ వార్తలని నమ్మరంటే నమ్మరు. ఊహలు గుసగుసలాడే సినిమాతో తెలుగు ఇండస్ట్రీకొచ్చిన రాశి మంచి సినిమాలే చేసింది. దాదాపు తను చేసిన సినిమాలలో సూపర్ హిట్స్ ఎక్కువ ఉండటం విశేషం. ముఖ్యంగా యంగ్ హీరోలకి ఈ బబ్లీ బ్యూటి మంచి ఛాయిస్. జూనియర్ ఎన్.టి.ఆర్ లాంటి స్టార్ హీరోతో నటించే అవకాశాలు అందుకుంది.
లాస్ట్ మూవీ తెలుగులో మారుతి దర్శకత్వంలో వచ్చిన ప్రతీరోజూ పండగే. ఈ సినిమా తర్వాత అమ్మడికి కాస్త గ్యాప్ వచ్చింది. ఈ కాస్త గ్యాప్ లో రావలసిన రూమర్స్ వస్తే తమిళంలో ఊహించని అవకాశాలు దక్కించుకుంది. ఈ క్రమంలోనే స్టార్ హీరోయిన్స్ సమంత అక్కినేని, కాజల్ అగర్వాల్, తమన్నా భాటియా, నయనతార లాంటి వారి మాదిరిగా డిజిటల్ ఎంట్రీకీ రెడీ అవుతోంది. సమంత వల్ల ఇప్పుడు చాలామంది హీరోయిన్స్ కి డిజల్ వరల్డ్ లో వెబ్ సిరీస్ చేసేందుకు ఆసక్తి పెరిగింది. క్రేజీ ఆఫర్ వస్తే ఏమాత్రం నో అనడం లేదు.
Rashi khanna : ఒక సైకో క్యారెక్టర్ చేసేందుకు రాశీ సైన్ చేసిందట
తెలుగులో పక్కా కమర్షియల్ సినిమా చేస్తున్న రాశీఖన్నా ఇప్పుడు హిందీ ఇండస్ట్రీలో కూడా అడుగుపెట్టబోతోంది. స్టార్ హీరో అజయ్ దేవగణ్ నటిస్తున్న లేటెస్ట్ సినిమా రుద్రలో రాశికి అవకాశం దక్కిందని బీ టౌన్ మీడియా సమాచారం. అంతేకాదు మొట్ట మొదటిసారో ఒక సైకో క్యారెక్టర్ చేసేందుకు రాశీ సైన్ చేసిందని అంటున్నారు. బాలీవుడ్ లో ఇలాంటి క్యారెక్టర్స్ కి మంచి ఆదరణ లభిస్తుంది. అందుకే ఈ క్యారెక్టర్ తో బాలీవుడ్ ఇండస్ట్రీలో రాశీ వరుస అవకాశాలను అందుకుంటుందని చెప్పుకుంటున్నారు. రకుల్ ప్రీత్ సింగ్ లాంటి హీరోయిన్స్ కి అజయ్ బాగా సపోర్ట్ చేస్తున్నాడు. ఇప్పుడు రాశి వంతు వచ్చింది.