Rashmika mandanna : రష్మిక మందన్న ఇప్పుడు తెలుగు, తమిళం, హిందీ భాషలలో మోస్ట్ వాంటెడ్ హీరోయిన్. తన సినిమాల లైనప్ చూస్తే షాకవ్వాల్సిందే. అయితే రష్మిక ఇలా లైనప్ చేసుకుంది పెద్ద టార్గెట్ పెట్టుకునే అని తెలుస్తోంది. కన్నడ సినిమా ఇండస్ట్రీ నుంచి బాలీవుడ్ ఎంట్రీ ఇచ్చి అక్కడ స్టార్ హీరోయిన్ గా విపరీతమైన క్రేజ్ దక్కించుకుంది ఐశ్వర్యా రాయ్. బాలీవుడ్ మెగాస్టార్ బిగ్ బి అమితాబ్ బచ్చన్ కొడుకు అభిషేక్ బచ్చన్ ని పెళ్ళి చేసుకొని అక్కడే సెటిల్ అయింది. ఐశ్వర్యా రాయ్ పెళ్లికి ముందు బాలీవుడ్ లో ఎన్నో బ్లాక్ బస్టర్స్ అందుకుంది.
పెళ్లి తర్వాత ఈమె పూర్తిగా కుటుంబానికే ఇంపార్టెన్స్ ఇస్తూ సినిమాలు చాలా తక్కువగా ఒప్పుకుంటోంది. ఐశ్వర్యా రాయ్ తర్వాత కన్నడ నుంచి బాలీవుడ్ కి వెళ్లి అదే రేంజ్ లో స్టార్ డం తెచ్చుకుంది దీపికా పదుకొణే. కెరీర్ మొదలైనప్పుడు కాస్త ఇబ్బందులు ఎదురైనప్పటికీ ఇప్పుడు బాలీవుడ్ లో ఒక వెలుగు వెలుగుతోంది. క్రేజీ స్టార్ రణవీర్ సింగ్ ని పెళ్లి చేసుకుని సెటిలయింది. ఇప్పుడు వీరిని ఫాలో అవుతోందట రష్మిక మందన్న. ఈమె కూడా ఇదే రేంజ్ లో సెటిలవడానికి స్కెచ్ వేసిందని చెప్పుకుంటున్నారు.
Rashmika mandanna : రానున్న రోజుల్లో ముంబై నుంచి హైదరాబాద్ రావడం కష్టం అంటున్నారు.
రష్మిక తెలుగు- కన్నడ భాషల్లో స్టార్ హీరోయిన్ గా క్రేజ్ సాధించింది. బాలీవుడ్ లో కూడా ఈమె రెండు భారీ హిట్స్ పడితే ఐశ్వర్యా రాయ్- దీపిక పదుకోణే మాదిరిగా బాలీవుడ్ లో సెటిలవడానికి క్రేజీ ప్రాజెక్ట్స్ కమిటవుందట. ఈ క్రమంలోనే మిషన్ మజ్ను సినిమాతో రష్మిక బాలీవుడ్ ఎంట్రీ ఇచ్చింది. సిద్ధార్థ్ మల్హోత్రా హీరో. అలాగే గుడ్ బై అనే సినిమా చేస్తోంది. లెజెండ్ అమితాబ్ తో కలిసి నటిస్తుండటం విశేషం. ఈ రెండు సినిమాలతో పాటు బాలీవుడ్ లో రీసెంట్ గా మరో రెండు సినిమాలకి గ్రీన్ సిగ్నల్ ఇచ్చి సైన్ కూడా చేసిందట. రానున్న రోజుల్లో ముంబై నుంచి హైదరాబాద్ రావడం కష్టం అంటున్నారు.
