Raviteja : రవితేజ క్రాక్ సినిమాతో తెచ్చుకున్న క్రేజ్ అంతా ఇంతా కాదు. మూడేళ్ళ నుంచి వరస ఫ్లాపుల్లో కూరుకుపోయిన మాస్ మహారాజ క్రాక్ తో ఒక్కసారిగా భారీ సక్సస్ అందుకొని ఈ మూడేళ్ళ నుంచి పోయిన ఫాం ని మళ్ళీ తెచ్చుకున్నాడు. ఈ సక్సస్ రవితేజ కి మంచి బూస్టప్ ని ఇచ్చింది. ఈ క్రమంలో వరసగా సినిమాలని ట్రాక్ ఎక్కిస్తున్నాడు రవితేజ. ప్రస్తుతం రవితేజ ఖిలాడి అన్న సినిమా చేస్తున్నాడు. ఏ స్టూడియోస్‌, పెన్‌ స్టూడియోస్‌ పతాకాలపై జయంతి లాల్‌ గడ సమర్పణలో సత్యనారాయణ కోనేరు భారీ బడ్జెట్ తో నిర్మిస్తున్నాడు.
ఇక ఈ సినిమాలో రవితేజ కి జంటగా యంగ్ బ్యూటీస్ డిపుల్ హయతీ, మీనాక్షి చౌదరీ హీరోయిన్స్ గా నటిస్తున్నారు. ఖిలాడి సినిమాకి రాక్ స్టార్ దేవి శ్రీ ప్రసాద్ సంగీతం అందిస్తున్నాడు. ప్రస్తుతం ఖిలాడి షూటింగ్ శరవేగంగా జరుగుతోంది. ఈ సినిమాలో ఎక్కువ బడ్జెట్ యాక్షన్స్ సీన్స్ కే ఖర్చు చేస్తున్నట్టు తెలుస్తోంది. మార్చ్ 11 న మహా శివరాత్రి పండుగ సందర్భంగా టీజర్ ని రిలీజ్ చేయబోతున్నట్టు సమాచారం. ఈ సినిమాలో యాక్షన్ కింగ్ అర్జున్ విలన్ గా, స్టార్ నటుడు ఉన్ని ముకుందన్, హాట్ యాంకర్ అనసూయలు కీలక పాత్రలో నటిస్తున్నారు.
Raviteja : రవితేజ తో రాశీ ఖన్నాకు హ్యాట్రిక్ సినిమా…?
అయితే రవితేజ ఈ సినిమా తర్వాత సినిమా చూపిస్తా మావ, నేను లోకల్ చిత్రాల తో సూపర్ హిట్ అందుకున్న దర్శకుడు నక్కిన త్రినాథరావు దర్శకత్వం లో ఒక సినిమా చేయనున్నాడు. రవితేజ – నక్కిన త్రినాథరావు కాంబినేషన్లో రూపొందనున్న ఈ సినిమా లో ఇద్దరు హీరోయిన్స్ ఉంటారని సమాచారం. వారిలో ఒక హీరోయిన్ గా రాశీఖన్నాని ఎంచుకున్నట్టు తాజా సమాచారం. ‘ప్రతిరోజూ పండగే’, ‘వరల్డ్ ఫేమస్ లవర్’ తరువాత రాశీ ఖన్నా తమిళ సినిమాలనే వరుసగా చేస్తుంది. ఇప్పుడు అనూహ్యంగా రవితేజ తో ఛాన్స్ అందుకుందట. ఇక రవితేజతో ‘బెంగాల్ టైగర్’ .. ‘టచ్ చేసి చూడు’ చేసిన రాశీ ఖన్నాకు ఈ ఇది హ్యాట్రిక్ సినిమా.
