Jayashree Ramaiah: ఇటీవల కన్నడ హీరోయిన్ మరియు కన్నడ బిగ్బాస్ కంటెస్టెంట్ Jayashree Ramaiah బెంగుళూరులో ఉరి వేసుకుని ఆత్మహత్య చేసుకొన్న విషయం తెలిసిందే. ఆమె ఈ నెల 25న బెంగళూరులోని ఓ పునరావాస కేంద్రంలో మరణించారు.
జయశ్రీ రామయ్య కు 29 ఏళ్ళు. పోలీసులు ఇచ్చిన సమాచారం ప్రకారం ఈమె గత కొన్ని రోజులుగా డిప్రెషన్తో బాధపడుతున్నారట. ఈ నేపథ్యంలోనే ఈమె ఈ చర్యకు పాల్పడ్డట్లు చెబుతున్నారు. ఆమె ఆ రోజు ఎంత సేపటికీ రూమ్ తలుపు తెరవకపోవడంతో సిబ్బంది ఆందోళన చెంది ఆమె కుటుంబ సభ్యులకు విషయం తెలియజేసారు. కానీ సిబ్బంది కి అనుమానం వచ్చి తలుపులు తెరిచేటప్పటికి ఆమె ఆ గదిలోని సీలింగ్ ఫ్యాన్కు ఉరి వేసుకుని మరణించదని పోలీసులు చెబుతున్నారు. ఈమె మరణ వార్తతో కన్నడ చిత్ర పరిశ్రమ షాక్ కు గురి అయ్యింది.
ఇక ఈ కేసు దర్యాప్తులో పోలీసులకు తెలిసిన మరికొన్ని విషయాలు ఏమనగా గతంలో కూడా చనిపోవాలని జయశ్రీ చాలా సార్లు ప్రయత్నించిందట. ఇప్పటికే దాదాపు 20 సార్లు ఆమె ఆత్మహత్యాయత్నం చేసుకుందని పోలీసులు నివేదికలో పేర్కొన్నారు. ఇది చూసి ఆందోళన చెందిన ఆమె కుటుంబ సభ్యులు ఆమెను చికిత్స కోసమై పునరావాస కేంద్రానికి పంపించారట.
ఈ నెల 14 న జయశ్రీ పునరావాస కేంద్రం నుంచి తన కుటుంబం దగ్గరకు వచ్చారట. జనవరి 20 వరకు ఆమె ఇంటిలో వారితో సంతోషంగా గడిపిందట. ఆమె తిరిగి తన చికిత్స ను కొనసాగించడానికి పునరావాసానికి వెళ్లిందట. అక్కడకు వెళ్లిన జయశ్రీ ఈ నెల 25న ఓ గదిలో ఉరేసుకుని ఆత్మహత్యకు పాల్పడినట్లు పోలీసులు నిర్ధారించారు. గతంలో జయశ్రీ కొన్ని శాండల్ వుడ్ చిత్రాలలో నటించి ఆ తరువాత కన్నడ బిగ్ బాస్ సీజన్ 3 లో కూడా పాల్గోంది. జయశ్రీ ఆత్మహత్య మదనాయకనహళ్లి పోలీసులు కేసును నమోదు చేసుకుని దర్యాప్తు చేస్తున్నారు.