మాటల మాంత్రికుడు త్రివిక్రమ్ దర్శకత్వంలో ఇప్పుడు మూడో సినిమా చేయడం అన్న సంగతి తెలిసిందే. “SSMB 28” వర్కింగ్ టైటిల్ పేరిట తెరకెక్కుతున్న ఈ చిత్రానికి సంబంధించి షూటింగ్ ఆగస్టు 9వ తారీకు మహేష్ పుట్టినరోజు సందర్భంగా స్టార్ట్ చేయాలని సినిమా యూనిట్ మొత్తం రెడీ అయింది. అయితే అర్ధాంతరంగా ఇండస్ట్రీలో షూటింగ్ లు బంద్ చేయటంతో.. రెగ్యులర్ షూటింగ్ వాయిదా పడిందట. ఒకవేళ షూటింగులు మళ్లీ స్టార్ట్ అయితే ఈ నెల ఆఖరిలోపు “SSMB 28” రెగ్యులర్ షూటింగ్ స్టార్ట్ చేయడానికి త్రివిక్రమ్ షెడ్యూల్ ప్రిపేర్ చేసినట్లు సమాచారం.
“సర్కారు వారి పాట” విజయం తర్వాత మహేష్ బాబు కుటుంబంతో విదేశాలకి వెళ్లడం తెలిసిందే. ఇటీవలే పుట్టినరోజు ముందు రోజు మహేష్ హైదరాబాద్ లో అడుగు పెట్టడం జరిగింది. దీంతో త్రివిక్రమ్ సినిమా రెగ్యులర్ షూటింగ్ స్టార్ట్ అవుతుందని భావించగా.. ఇండస్ట్రీలో షూటింగ్ లు బంద్ కారణంగా మొత్తం షెడ్యూల్ మారిపోయింది. ఈ క్రమంలో మహేష్ పుట్టినరోజు సందర్భంగా సినిమా టైటిల్ ప్రకటించే అవకాశం ఉంది అని అనుకున్నా అభిమానులకు ఏటువంటి అప్డేట్ రాలేదు.
కానీ మహేష్ పుట్టినరోజు నాడు ఫోర్ కే టెక్నాలజీతో పోకిరి ఇంకా ఒక్కడు సినిమాలు మళ్లీ విడుదల చేసి స్పెషల్ షోలు వేసుకుని ఫ్యాన్స్ ఫుల్ ఎంజాయ్ చేశారు. దాదాపు రెండు తెలుగు రాష్ట్రాలలో పోకిరి 175 స్పెషల్ షోలు పడటం జరిగింది. థియేటర్లకు ఫాన్స్ పోటెత్తారు. అంతా బాగానే ఉన్నా గాని.. పుట్టినరోజు తమ అభిమాన హీరో కొత్త సినిమా అప్ డేట్ రాకపోవడం ఫ్యాన్స్ కి కొంత నిరుత్సాహం కలిగించింది.