కరోనా వైరస్ కారణంగా అసలు రెస్టారెంట్లే మూతపడి ఉంటే.. ఉడుతలకు రెస్టారెంట్ ఎక్కడినుంచి వచ్చింది అంటారా? అదే ఇక్కడ ట్విస్ట్. మనుషుల రెస్టారెంట్లు మూతపడ్డాయి కాబట్టే.. ఉడుతలకు రెస్టారెంట్లు వెలిశాయి. ఆ రెస్టారెంట్ కు రోజూ ఉడుతలు వచ్చి ఫుల్లుగా ఆరగించి వెళ్తుంటాయి. డబ్బులు గట్రా ఉండవు లెండి. వాటి కోసం ఉచితంగా ఓరెస్టారెంట్ ను ప్రారంభించింది ఓ మహిళ.
ఈ రెస్టారెంట్.. జార్జియాలోని ఏంజెలా హన్స్ బెర్గర్ లో ఉంది. నిజానికి.. ఆమె ఒక ఫుడ్ రివ్యూయర్. కరోనా పుణ్యమాని రెస్టారెంట్లు మూతపడటంతో తన రివ్యూ జాబ్ హుష్ కాకి అయింది. దీంతో తన ఉపాధికి గండి పడింది.
ఏం పని లేక ఖాళీగా ఉండటంతో.. బోర్ కొట్టి.. ఏదో ఒకటి చేయాలనుకుంది. తనకే ఇలా ఉంటే.. చిన్న చిన్న జంతువులు, పక్షుల పరిస్థితి ఎలా ఉంటుంది.. అని అనుకున్నదో ఏమో… అంతలోనే తన ఇంటి చుట్టూ తిరుగుతున్న ఉడుతలు తన కంట పడ్డాయి. అరె.. కనీసం వీటి కోసం అయినా ఏదో ఒకటి చేయాలి అని నిశ్చయించుకుంది.
వెంటనే తన ఇంటి ముందున్న గార్డెన్ ఏరియాలో ఉడుతల కోసం బుల్లి రెస్టారెంట్ ను ఏర్పాటు చేసింది. ఉదయం లేవగానే.. ఉడుతల కోసం నట్స్ పెట్టి ఉంచుతుంది. అవి ఏం చక్కా రెస్టారెంట్ కు వచ్చి అక్కడ కూర్చొని తిని అక్కడే సరదాగా సాయంత్రం దాకా గడుపుతాయట.
అలా.. ఆ ఉడుతల మీదనే రివ్యూలు రాస్తూ ప్రస్తుతం అమౌంట్ కూడా సంపాదిస్తోందట ఆ మహిళ. మొత్తం మీద ఉడుతల రెస్టారెంట్ కు పేరు వచ్చింది.. తనకు ఉపాధి లభించింది.. భలే ఐడియా తన జీవితాన్నే మార్చేసింది.
