RGV: దర్శకుడు రాంగోపాల్ వర్మకు ఎప్పుడు ఎవరు గుర్తొస్తారో అర్థం కాదు..ఎవరి మీద ఆయన ట్వీట్ల ద్వారా పంచ్ లు విసురుతారో కూడా ఎవరూ ఊహించలేరు.పవర్ స్టార్ పవన్ కల్యాణ్ మొదలు ఇప్పుడు వార్తల్లో ఉన్న నెల్లూరు ఆయుర్వేద వైద్యుడు ఆనందయ్య వరకు అందర్నీ రామ్ గోపాల్ వర్మ ఆటాడేసుకోవడ౦ తెలిసిందే.
ఇక ఇప్పుడు ఆయన అగ్ర నిర్మాత అల్లు అరవింద్ చిన్న కుమారుడు అల్లు శిరీష్ మీద ఫోకస్ పెట్టారు.తాజాగా రాంగోపాల్ వర్మ వర్థమాన నటుడు శిరీషను పొగిడాడో తెగిడారో తెలియని ఒక ట్వీట్ వదిలాడు.శిరీష్ కూడా నాలుగైదు సినిమాల్లో హీరోగా నటించి ప్రేక్షకులకు పెద్దగా దగ్గర కాలేకపోయిన విషయం తెలిసిందే.శిరీష్ జిమ్లో వర్కౌట్లు చేస్తున్న ఒక ఫోటోను పెట్టిన రామ్ గోపాల్ వర్మ ఈ క్రింది విధంగా ట్వీట్ చేశాడు.
ఆసక్తికరమైన ఆ ట్వీట్ ఏమిటంటే?
“Ee Naa koduku CONAN the BARBARIAN Arnold Schwarzenegger koduku Kaadhu..Allu Aravind koduku ……Allu Saaarrr Mee ….Ki….Joharrr!!”(ఈ నా కొడుకు కొనాన్ ది బార్బరేరియన్ ఆర్నాల్డ్ షెవర్జనెగ్గర్ కొడుకు కాదు…అల్లు అరవింద్ కొడుకు..అల్లు సార్ మీ…కి..జోహార్ ) అన్న ఆర్జీవీ తాజా ట్వీట్ టాలీవుడ్లో ప్రకంపనలు రేపుతోంది.’ఈ నా కొడుకు అంటూ ట్వీట్ ప్రారంభించటం, మధ్యలో అల్లు సార్ మీ ..కి ..జోహారు మధ్య డాషులు పెట్టడం, సాధారణంగా మరణించిన వారికి చెప్పే జోహార్’ తో ఆర్జీవీ ట్వీట్ ముగించడాన్ని బట్టే ఆయన అంతరంగాన్ని అర్థం చేసుకోవచ్చు.శిరీష్ ను బాగా డ్యామేజ్ చేసేలా ఈ ట్వీట్ ఉంది.
అప్పుడే ట్రోల్స్ మొదలు!
రామ్ గోపాల్ వర్మ ట్వీట్ రాగానే మెగా కాంపౌండ్ అభిమానులు ట్రోల్స్ మొదలుపెట్టారు.తరుణ్ నాయుడు ఈ ట్వీట్ మీద చాలా సీరియస్ గా రియాక్ట్ అయ్యాడు.ఏపీ సీఎం జగన్మోహన్ రెడ్డిని ఇలాగే ఎంపీ రఘురామకృష్ణంరాజు కెలికి కెలికి వదిలితే ఇప్పుడు అతని పరిస్థితి ఏమైందో మీరే చూస్తున్నారు.నీకు కూడా త్వరలో అదే గతి పడుతుంది..అప్పుడు ఈ మాటలు.. ఎటకారం అంతా మాయమైపోతాయి అంటూ తరుణ్ నాయుడు రిప్లై ఇచ్చాడు.జీటీఎం అనే మరో వ్యక్తి బూతు బొమ్మలు తీసుకోక నీకెందుకు ఇవన్నీ అంటూ రాంగోపాల్ వర్మను తిట్టారు.అయితే రాంగోపాల్ వర్మను సమర్థించినవారు కూడా కొందరు లేకపోలేదు.మొత్తంగా చూస్తే మరో విస్పోటనానికి రాంగోపాల్ వర్మ ఈ ట్వీట్ ద్వారా ట్రిగ్గర్ పేల్చాడు!
