Ritu varma : తెలుగమ్మాయిలు ఇండస్ట్రీలో నిలదొక్కుకోవాలంటే చాలా కష్టమని ఎప్పటి నుంచో టాక్ ఉన్న సంగతి తెలిసిందే. పక్క రాష్త్రం వాళ్ళ మాదిరిగా, ముంబై మోడల్స్ లాగా హాట్ సీన్స్..గ్లామర్ రోల్స్, స్కిన్ షో చేయరని…అలాంటి పాత్రలు చేయించాలంటే మన దర్శకులు కూడా కాస్త వెనకడుగు వేస్తారని ఎప్పుడూ వింటూనే ఉన్నాము. ఆ కారణంగానే మన తెలుగు అమ్మాయిలని హీరోయిన్స్గా తీసుకోవడం లేదని ఓ రూమర్ ఉంది. అయితే ఈ మధ్య కాలంలో మన తెలుగు అమ్మాయిలు కూడా హీరోయిన్స్గా ఎంట్రీ ఇచ్చి గ్లామర్ రోల్స్ చేయడానికి హద్దులు చెరిపేస్తున్నారు. ఇప్పటికే ఈషా రెబ్బ ఈ దారిలో వెళుతోంది. తెలుగులోనే కాకుండా మలయాళ భాషలోను ఈమె హీరోయిన్ గా అవకాశాలు అందుకుంటోంది.
అలాగే మరో తెలుగమ్మాయి రీతూవర్మ కూడా కాస్త గ్లామర్ రోల్స్ కి సై అంటోంది. పెళ్లి చూపులు సినిమాతో టాలీవుడ్ కి ఎంట్రీ ఇచ్చిన ఈమె కెరీర్ ఊపందుకోవడానికి చాలా సమయమే పట్టింది. ఇక్కడ అంతగా అవకాశాలు దక్కకపోయినా తమిళంలో బాగానే పేరు తెచ్చుకుంది. ఆ పేరు వల్లే ఇప్పుడు రూతూ వర్మకి తెలుగులో మంచి అవకాశాలు వస్తున్నాయి. ఇప్పటికే నాని నటించిన టక్ జగదీశ్ సినిమాలో ఒక హీరోయిన్ గా నటించింది. ఈ సినిమాలో కంప్లీట్ ట్రెడీషనల్ రోల్ లో నటించినట్టు పోస్టర్స్, టీజర్స్ చూస్తే
అర్థమవుతుంది. ఇప్పటికే టక్ జగదీశ్ అన్నీ కార్యమాలను పూర్తి చేసుకొని రిలీజ్ కి రెడీగా ఉంది.
Ritu varma : రీతూవర్మ తన మాస్ స్టెప్పులతో ఆకట్టుకుంటోంది.
కాగా ఆమె నటిస్తున్న తాజా చిత్రం వరుడు కావలెను. యంగ్ హీరో నాగ శౌర్య ఇందులో హీరో. ఈ సినిమాతో లక్ష్మీ సౌజన్య దర్శకురాలిగా టాలీవుడ్ కి పరిచయం అవుతోంది. కాగా ఇందులో జానపద గీతం ఒకటి రీమిక్స్ చేయగా తాజాగా రిలీజ్ అయింది. అనంత శ్రీరాం రాసిన ‘దిగు దిగు నాగ’ అనే లిరికల్ సాంగ్ వీడియోను మేకర్స్ రిలీజ్ చేయగా అందులో రీతూవర్మ తన మాస్ స్టెప్పులతో ఆకట్టుకుంటోంది. అంతేకాదు కాస్త గ్లామర్గాను ట్రీట్ ఇచ్చింది. ప్రస్తుతం ఈ సాంగ్ బాగా ట్రెండ్ అవుతోంది. సింగర్ శ్రేయా ఘోషల్ పాడిన ఈ పాటకి థమన్ సంగీతం అందించాడు. మాస్ సాంగ్స్ కి కేరాఫ్ అడ్రస్ అయిన శేఖర్ మాస్టర్ కొరియోగ్రఫీ అందించారు.