Extra Jabardasth అంటేనే కామెడీ షో. కానీ.. ఈమధ్య జబర్దస్త్, ఎక్స్ ట్రా జబర్దస్త్ షోలలో నుంచి లవర్స్ బయటికి వస్తున్నారు. అదేనండి.. జబర్దస్త్ అంటే ముందు ఎవరి గురించి మాట్లాడుకునే వాళ్లో తెలుసు కదా. సుడిగాలి సుధీర్, రష్మీ.. వీళ్లిద్దరి గురించే అప్పట్లో చర్చ.
కేవలం సుధీర్, రష్మీ జంట రొమాన్స్, డ్యాన్స్ చూడటానికే చాలామంది జబర్దస్త్, ఎక్స్ ట్రా జబర్దస్త్ షోలను చూసేవాళ్లు. ఆ తర్వాత కొంత కాలం వాళ్ల హవా నడిచింది. ఇద్దరూ బుల్లితెర మీద తెగ ఫేమస్ అయిపోయారు. ఇద్దరికీ మంచి క్రేజ్ ఏర్పడింది.
కట్ చేస్తే.. ఎక్స్ ట్రా జబర్దస్త్ కు మరో పెయిర్ వచ్చింది. అదే ఇమ్మాన్యుయేల్, వర్ష జంట. వీళ్లది కూడా అద్భుతమైన జంట. ఆన్ స్క్రీన్ మీద వీళ్ల రొమాన్స్ కూడా బాగా పండటంతో ఇద్దరూ సూపర్ డూపర్ ఫేమస్ అయ్యారు. జబర్దస్త్ టీమ్ కూడా ఎక్కువగా వాళ్లనే హైలెట్ చేశారు. ఇప్పటికీ ఆ జంటకు ఇంకా క్రేజ్ ఉంది.
Extra Jabardasth లో పుట్టుకొచ్చిన మరో జంట
అయితే.. ఓవైపు ఇమ్ము, వర్ష ఉండగానే.. మరోవైపు రాకింగ్ రాకేశ్, బిగ్ బాస్ రోహిణి జంట పుట్టుకొచ్చింది. అవును.. ప్రస్తుతం రాకేశ్, రోహిణి.. ట్రెండింగ్ జంట. వీళ్ల రొమాన్స్ కూడా ఎక్స్ ట్రా జబర్దస్త్ లో బాగానే పండుతోంది. తాజాగా రిలీజ్ అయిన ఎక్స్ ట్రా జబర్దస్త్ ప్రోమో చూస్తే అదే అర్థం అవుతోంది.
ఇద్దరూ కలిసి స్కిట్ లో డ్యాన్స్ వేస్తూ అదరగొట్టేశారు. నో డౌట్.. బుల్లితెర ప్రేక్షకులను అలరించడానికి మరో జంట జబర్దస్త్ లో మరికొన్ని రోజులు సందడి చేయనుంది. దానికి సంబంధించిన ప్రోమోను మీరు కూడా చూసేయండి.