Rose: గులాబీ ప్రేమ కు చిహ్నం.. గులాబీ రేకులు అందాన్ని పెంపొందిస్తాయి.. మరి రోజ్ ఎసెన్షియల్ ఆయిల్ గురించి ఎప్పుడైనా విన్నారా..!? గులాబీ నూనె ను ఇంట్లోనే ఎలా తయారు చేసుకోవాలో..!? ఏ విధంగా ఉపయోగిస్తే ఎలాంటి ప్రయోజనాలు కలుగుతాయో ఇప్పుడు తెలుసుకుందాం..!!
ఒక కప్పు గులాబీరేకులు తీసుకొని మెత్తగా దంచుకోవాలి. ఒక గిన్నె లో గులాబీ రేకుల మిశ్రమాన్ని రెండు చెంచాల ఆలివ్ ఆయిల్ ను రెండు చెంచాల కొబ్బరి నూనెను వేసి కలుపుకోవాలి. వీటికి బదులు బాదం వెజిటేబుల్ ఆయిల్ ను కూడా ఉపయోగించుకోవచ్చు. ఈ గులాబీ నూనెను డబల్ బాయిల్ చేయాలి. అంటే స్టవ్ పై ఒక పాత్ర పెట్టి అందులో నీటిని పోసి బాగా మరగనివ్వాలి. అందులో గులాబీ రేకుల గిన్నె ను ఉంచాలి. ఆవిరి స్వేదనం లో పదిహేను నిమిషాల పాటు ఉంచితే గులాబీ మిశ్రమం లోని నూనె పైకి తేలుతుంది. దీనిని ఒక కాటన్ క్లాత్ లో కి వేసుకొని నూనె ను పిండుకోవాలి. ఇలా వచ్చిన నూనెను ఒక గాజు సీసాలో నిల్వ చేసుకొని ప్రతిరోజూ ఉపయోగించుకోవాలి. అంతే గులాబీ నూనె సిద్ధం.
ప్రతి రోజు రాత్రి నిద్రపోయే ముందు రాసుకుంటే చర్మం పై ఉన్న నల్లటి మచ్చలు, మొటిమలు పోయి చర్మాన్ని కాంతివంతంగా చేస్తుంది. స్నానానికి అరగంట ముందు గులాబీ నూనె రాసుకుని స్నానం చేస్తే చర్మం మృదువుగా మారి యవ్వనంగా కనిపిస్తుంది. ఈ నూనె రాసుకుంటే నుదిటి పైన రాసుకుంటే ఆందోళన, టెన్షన్, ఒత్తిడి తగ్గిస్తుంది . తలనొప్పిని తగ్గిస్తుంది. మైగ్రేన్ తలనొప్పి ఉన్నవారు ఈ నూనె రాసుకుంటే వెంటనే ఉపశమనం లభిస్తుంది.