బాహుబలి వంటి భారీ బ్లాక్ బస్టర్ తర్వాత రాజమౌళి దర్శకత్వంలో “RRR” వస్తున్న నేపథ్యంలో దేశవ్యాప్తంగా మాత్రమే కాక ప్రపంచవ్యాప్తంగా అంచనాలు ఓ రేంజిలో ఉన్నాయి. బాహుబలితో ఇండియన్ ఫిల్మ్ ఇండస్ట్రీ సత్తా ఏంటో రాజమౌళి చాటి చెప్పడంతో “RRR” ఎలా ఉంటుందో అన్న ఆసక్తి ప్రపంచ సినీ ప్రేమికుల లో నెలకొంది.
పాన్ ఇండియా మూవీ గా తెరకెక్కుతున్న ఈ సినిమాలో ఫస్ట్ టైం ఎన్టీఆర్ రామ్ చరణ్ కలిసి చేస్తున్న తరుణంలో సౌతిండియాలో ఇది బిగ్గెస్ట్ భారీ మల్టీస్టారర్ సినిమాగా ఇప్పటికే పేరు సంపాదించడం అందరికీ తెలిసిందే. ఇదిలా ఉంటే ఈ సినిమాకి సంబంధించి పూర్తి షూటింగ్ అవగా మిగతాది గ్రాఫిక్స్ వర్క్ మాత్రమే బ్యాలెన్స్ ఉండటంతో త్వరలో సినిమా రిలీజ్ అయ్యే వాతావరణం కనబడుతూ ఉంది.
ఇదిలా ఉంటే ఈ సినిమాతో పోటీకి హాలీవుడ్ జేమ్స్ బాండ్ సిరీస్ సినిమా ‘నో టైం టూ డై’ పోటీకి రాబోతున్నట్లు ఇండస్ట్రీలో వార్తలు వస్తున్నాయి. వాస్తవానికి ఈ సినిమా కరోనా వైరస్ రాకముందే రిలీజ్ అవ్వాల్సి ఉండగా..కరోనా వైరస్ దెబ్బకి ప్రపంచంలో పరిస్థితులను మారటంతో అప్పట్లో వాయిదా పడటం జరిగింది. అయితే ఈ సినిమా రాజమౌళి “RRR” రిలీజ్ అయ్యే సమయానికి.. విడుదల అయ్యే అవకాశం ఉన్నట్లు.. దీంతో వరల్డ్ వైడ్ మార్కెట్ లో రెండు పోటీ పడే అవకాశం ఉన్నట్లు ట్రేడ్ వర్గాలు భావిస్తున్నాయి.