Mahesh Babu: సహజంగా ఏ సినిమా హీరోకైనా తన పరిధిలో కొంతమంది అభిమానులు వుంటారు. కానీ సినిమాను సృష్టించిన దర్శకుడు మాత్రం తెర వెనకే ఉంటాడు. కానీ, ఇది ఒకే ఒక్క దర్శకుడి విషయంలో మాత్రం మినహాయింపు. ఆయనే మన టాలీవుడ్ దర్శక ధీరుడు S.S రాజమౌళి. అనతికాలంలోనే తాను శిఖిరాగ్రాలను అధిరోహించారు. తన టేకింగ్ తో యావత్ భారత దేశాన్నే తనవైపుకి తిప్పుకున్నాడు. వేలకోట్లు కొల్లగొట్టిన బాహుబలి తరువాత RRRతో మరోమారు మాయ చేయబోతున్నారు.
నెక్స్ట్ సినిమా వీరితోనే!
ఓవైపు దేశమంతా RRR కోసం ఎదురు చూస్తుంటే, మన సూపర్ స్టార్ మహేష్ బాబు అభిమానులు మాత్రం తన అభిమాన హీరోతో జక్కన్న సినిమా ఎప్పుడెప్పుడు స్టార్ట్ చేయబోతాడా అని పడిగాపులు కాస్తున్నారు. ఈ క్రమంలోనే RRR ట్రైలర్ రిలేజ్ అవడం, రికార్డులు తిరగరాయడం మనం చూశాం, చూస్తున్నాం. అయితే సదరు సినిమా ప్రమోషన్ లో భాగంగా రాజమౌళికి ఓ ప్రశ్న ఎదురైంది. తాజాగా హైదరాబాద్ ఈవెంట్ లో “RRR తరువాత మీరు చేయబోయే సినిమా గురించి చెప్పండి.” అని ఓ విలేఖరి జక్కన్నని అడిగాడు.
సూపర్ స్టార్ అభిమానులు ఊపిరి పిల్చుకోండి..
ఆ విలేఖరి సమాధానానికి జక్కన్న నవ్వుతూ.. “ఆ విషయం నాకంటే మీకే బాగా తెలుసు.” అని అనడంతో సదరు విలేఖరి ‘మహేష్ బాబుతోనే కదా!’ అని అనడం.. అందరూ నవ్వడం, వెంట వెంటనే జరిగిపోయాయి. అవును. ఈనాటికి సూపర్ స్టార్ అభిమానుల నిరీక్షణ ఫలిస్తోంది. త్వరలోనే దీని గురించి ఓ ప్రకటన విడుదల చేస్తానని జక్కన్న చెప్పడం ఇక్కడ కొసమెరుపు. ఇకపోతే వారు చేయబోయే సినిమాపైన పలు ఊహాగానాలు వున్నాయి. కథ ఆ జోనర్, ఈ జోనర్ అంటూ సోషల్ మీడియాలో పోస్టులు వెల్లువెత్తుతున్నాయి.