RRR Movie: ఆర్ఆర్ఆర్ సినిమా మీద ఎన్ని అంచనాలు ఉన్నాయో మన అందరికి తెలిసిందే. ఈ సినిమా రిలీజ్ కోసం ఎన్టీఆర్ మరియు రామ్ చరణ్ ఫాన్స్ తో పాటు సినిమా లవర్స్ కూడా ఎంతగానో ఎదురు చూస్తున్నారు. భారీ బడ్జెట్ తో రూపొందుతున్న ఈ చిత్రానికి దర్శకుడు రాజమౌళి దర్శకత్వం వహిస్తుండగా ప్రముఖ నిర్మాత బోనీ కపూర్ నిర్మిస్తున్నారు. ఇటీవల బోనీ కపూర్ రాజమౌళి పై ఫైర్ అవ్వడంతో పాటు తనను జక్కన్న దారుణంగా మోసం చేసాడని ఆయన పేర్కొన్నాడు.
అప్పటిలో స్వాతంత్య్ర సమర ఉద్యమం నేపథ్యంలో విజయేంద్ర ప్రసాద్ ఈ సినిమా కథను సిద్ధం చేసాడు. ఈ సినిమాలో యంగ్ టైగర్ ఎన్టీఆర్ మరియు మెగా పవర్ స్టార్ చరణ్లు తెలుగు చారిత్రక వీరులైన కొమరం భీమ్ అలాగే అల్లూరి సీతారామ రాజు పాత్రలలో నటిస్తున్నారు. అంతేకాకుండా వీరికి జంటగా హాలీవుడ్ నటీ ఒలివియా మోరీస్ మరియు బాలీవుడ్ నటి అలియా భట్ నటిస్తున్నారు. ఈ చిత్రం రూ. 400 కోట్ల భారీ బడ్జెట్తో తెరకెక్కుతుంది. ఈ సినిమాలో మరో ప్రధాన పాత్రలో హిందీ సూపర్ స్టార్ అజయ్ దేవగన్ కనిపించనున్నారు.
అన్ని సినిమా పరిశ్రమల నుంచి టాప్ స్టార్స్ ఈ మూవీలో నటిస్తూ ఉండడంతో దేశ వ్యాప్తంగా ఈ సినిమాకు భారీ క్రేజ్ నెలకొని ఉంది. రాజమౌళి కూడా ఏమాత్రం అభిమానుల అంచనాలకు తగ్గకుండా ఈ సినిమాను తెరకెక్కిస్తున్నారు.
ఈ సినిమా దర్శకుడు రాజమౌళి ఈ సినిమాను దసరా కానుకగా దేశ వ్యాప్తంగా అక్టోబర్ 13 న విడుదల చేయనున్నట్లు ప్రకటించాడు. అయితే రాజమౌళి ఈ సినిమా రిలీజ్ డేట్ను అధికారికంగా ప్రకటించడంపై నిర్మాత బోనీ కపూర్ ఫైర్ అయ్యినట్లు వార్తలు వినిపిస్తున్నాయి. తాను ‘మైదాన్’ సినిమా రిలీజ్ డేట్ ను అక్టోబర్ 15 న ప్రకటించిన రెండు రోజులు ముందుగా ఈ సినిమా రిలీజ్ డేట్ ను ప్రకటించడం అన్యాయం అని చెప్పుకొచ్చాడు.