RRR – PUSHPA: ఒకేరోజు రెండు పాన్ ఇండియన్ సినిమాల నుంచి భారీ సర్‌ప్రైజెస్ రాబోతున్నాయనేది లేటెస్ట్ న్యూస్. ఆ రెండు పాన్ ఇండియన్ సినిమాలే ఆర్ఆర్ఆర్, పుష్ప సినిమాలు. దర్శక ధీరుడు ఎస్ ఎస్ రాజమౌళి దర్శకత్వంలో రూపొందుతున్న ఆర్ఆర్ఆర్ రాం చరణ్, ఎన్.టి.ఆర్ హీరోలుగా రూపొందుతోంది. ఈ సినిమాను సంక్రాంతి బరిలో దింపుతున్నారు. పది భాషలలో రిలీజ్ చేయబోతున్న ఈ సినిమా ప్రమోషన్స్ భారీ స్థాయిలో జరుగుతున్నాయి. ఈ క్రమంలోనే డిసెంబర్ 3న రిలీజ్ చేయనున్నారని అధికారికంగా చిత్రబృందం ప్రకటించింది. కానీ ఇప్పుడు అనుకున్న తేదీకి ఆర్ఆర్ఆర్ ట్రైలర్ రిలీజ్ కావడం లేదు.
ఇక పాన్ ఇండియన్ సినిమాగా రూపొందుతున్న పుష్ప సినిమా డిసెంబర్ 17న భారీ స్థాయిలో రిలీజ్ చేయబోతున్నారు. ఈ సినిమాకు సుకుమార్ దర్శకత్వం వహిస్తుండగా, ఐకాన్ స్టార్ అల్లు అర్జున్ – రష్మిక మందన్న జంటగా నటిస్తున్నారు. సమంత ఓ స్పెషల్ సాంగ్‌లో కనిపించబోతోంది. ప్రస్తుతం ఈ సాంగ్ షూటింగ్ జరుగుతుండగా తాజాగా సమంతకు సంబంధించిన ఓ లుక్ కూడా వదిలారు. 5 భాషలలో రిలీజ్ కానున్న పుష్ప సినిమా మీద భారీ అంచనాలున్నాయి. సుకుమార్‌కు అల్లు అర్జున్‌కు ఇది మొదటి పాన్ ఇండియన్ సినిమా.
RRR – PUSHPA: ఈ రెండు పాన్ ఇండియన్ సినిమాల ట్రైలర్స్‌లో ఏది సరికొత్త రికార్డ్స్ క్రియేట్ చేస్తుందో.
అందుకే సుకుమార్ ఎంతో ప్రతిష్ఠాత్మకంగా రూపొందిస్తున్నాడు. అయితే డిసెంబర్ 3న రావాల్సిన ఆర్ఆర్ఆర్ ట్రైలర్‌ను సిరివెన్నెల సీతారామశాస్త్రి మృతి కారణంగా పోస్ట్‌పోన్ చేశారు. ఈ ట్రైలర్‌ను డిసెంబర్ 6న రిలీజ్ చేసేందుకు మళ్ళీ ప్లాన్ చేస్తున్నట్టు సమాచారం. ఇక అదే రోజు పుష్ప సినిమా థియేట్రికల్ ట్రైలర్ రానుంది. ఈ రెండు ట్రైలర్స్ మధ్య అభిమానుల్లో ఆసక్తికరమైన చర్చలు సాగడం గ్యారెంటీ అని టాక్ మొదలైంది. ఈ సినిమా రేంజ్ ఏంటో ఆ రోజు ఓ క్లారిటీ వస్తుందని చెప్పుకుంటున్నారు. చూడాలి మరి ఈ రెండు పాన్ ఇండియన్ సినిమాల ట్రైలర్స్‌లో ఏది సరికొత్త రికార్డ్స్ క్రియేట్ చేస్తుందో.
