S.S Thaman: ప్రస్తుతం టాలీవుడ్లో మ్యూజిక్ సెన్షేషన్గా ఓ వెలుగు వెలుగుతున్నాడు ఎస్ ఎస్ థమన్. మణిశర్మ లాంటి వారి దగ్గర కీ బోర్డ్ ప్లేయర్గా పనిచేసిన థమన్ ఆ తర్వాత మాస్ మహారాజ రవితేజ – సురేందర్ రెడ్డి కాంబినేషన్లో వచ్చిన కిక్ సినిమాతో మ్యూజిక్ కంపోజర్గా మంచి క్రేజ్ తెచ్చుకున్నాడు. రాక్ స్టార్ దేవిశ్రీప్రసాద్ లాంటి యంగ్ మ్యూజిక్ డైరెక్టర్స్తో పోటీ పడిన థమన్ తన సత్తా చాటుతూ వస్తున్నాడు. టాలీవుడ్లో ప్రస్తుతం మోస్ట్ వాంటెడ్ మ్యూజిక్ డైరెక్టర్ థమన్ విపరీతమైన క్రేజ్తో ఉన్నాడు.
చిన్న హీరోల నుంచి మెగాస్టార్ చిరంజీవి, పవర్ స్టార్ పవన్ కళ్యాణ్, బాలకృష్ణ, వెంకటేశ్ సహా దాదాపు అందరు హీరోల సినిమాలకు థమన్ సంగీతం అందించాడు..అందిస్తున్నాడు. అయితే ఒక్క పాన్ ఇండియన్ స్టార్ ప్రభాస్ సినిమాలకు మాత్రం థమన్ సంగీతం అందించే అవకాశాలు దక్కించుకోలేకపోయాడు. గతంలో ఓ సినిమాకు సంగీతం అందించే అవకాశం వచ్చినా దానికి దర్శకుడే సంగీతం అందించాలనుకున్నాడు కాబట్టి అప్పుడు ప్రభాస్తో వర్క్ చేసే ఛాన్స్ మిస్ అయ్యాడు. మళ్ళీ అప్పటి నుంచి ఇప్పటి వరకు ప్రభాస్ సినిమాకు సంగీతం అందించాలని ఎంత ఎదురు చూసినా అవకాశం దక్కడం లేదు.
S.S Thaman: థమన్ సంగీతమందిస్తున్న ప్రతీ సినిమా మ్యూజిక్ పరంగా సెన్షేషన్ను క్రియేట్ చేస్తోంది.
అయితే టాలీవుడ్ స్టార్ హీరోలందరితోనూ పనిచేస్తున్న థమన్ త్వరలో ప్రభాస్ హీరోగా నటించే సినిమాకు సంగీతం అందించే అవకాశం అందుకుంటానని గట్టి నమ్మకంగా ఉన్నాడు. ప్రస్తుతం మెగాస్టార్ చిరంజీవి, పవన్ కళ్యాణ్, రామ్ చరణ్, మహేశ్ బాబు, బాలకృష్ణ..సహా పలువురు స్టార్ హీరోల సినిమాలతో పాటు యంగ్ హీరోల సినిమాలకు థమన్ సంగీత దర్శకుడిగా పనిచేస్తున్నాడు. ఇక గతకొంతకాలంగా థమన్ సంగీతమందిస్తున్న ప్రతీ సినిమా మ్యూజిక్ పరంగా సెన్షేషన్ను క్రియేట్ చేస్తోంది. ఇప్పుడు తెలుగులో ఎక్కువ సినిమాలు చేస్తున్న మ్యూజిక్ డైరెక్టర్ కూడా థమన్ కావడం విశేషం.