Sai Pallavi: వెండితెరపై అతి తక్కువ సమయంలోనే తన నటనతో కొన్ని లక్షల మంది అభిమానులను సంపాదించుకుని దక్షిణ సినీ పరిశ్రమలోనే టాప్ హీరోయిన్ గా నిలిచింది సాయి పల్లవి. సాయి పల్లవి తన కెరీర్ మొదటి నుంచి ఎన్నో రకాల పాత్రలలో నటించి అందరిని మెప్పించింది. ఫిదా సినిమాతో తెలుగు ప్రేక్షకులకు పరిచయమయ్యింది ఈ ముద్దుగుమ్మ. తన తొలి సినిమాతోనే తన పెర్ఫామెన్స్తో అందరినీ ఆకర్షించింది. తన కెరీర్ లో హిట్ ప్లాప్ ల గురించి కాకుండా డిఫరెంట్ కథలను ఎంపిక చేసుకుని సినిమాలు చేసింది.
ఈ ఆలోచనే ఆమెకు ఇపుడు ఉన్న హీరోయిన్స్ అందరిలోనూ ప్రత్యేకమైన గుర్తింపును తెచ్చి పెట్టింది. ప్రస్తుతం ఈమెకు వరుస అవకాశాలు వస్తున్ ఉండడంతో చేతినిండా అవకాశాలతో దక్షిణాదిలో చాలా బిజీ అయిపోయింది సాయి పల్లవి. తాజా సమాచారం ప్రకారం ఈమె మరొకసారి అందరికంటే డిఫరెంట్ గా ఆలోచిస్తా అని నిరూపించుకుంది. ఇటీవల ఆమె తీసుకున్న ఒక నిర్ణయంతో తమిళ సినీ పరిశ్రమలో సాయిపల్లవి తన ప్రత్యేకతను చాటుకున్నారు. ఆమె ఏకంగా ఓ తమిళ కమెడియన్తో జోడీ కట్టడానికి ఓకే చెప్పిన్నట్లు వార్తలు వినిపిస్తున్నాయి.
తమిళ సినిమాలలో కమెడియన్ గా నటించే కాళి వెంకట్తో సాయిపల్లవి త్వరలోనే జోడీ కట్టబోతుందన్న వార్తలు హల్చల్ చేస్తున్నాయి. ప్రస్తుతానికి ఈ సినిమా చర్చల దశలోనే ఉందట. సాయి పల్లవి కి దర్శకుడు చెప్పిన కథ మరియు పాత్ర నచ్చడంతో ఆమె కాళి వెంకట్తో నటించడానికి సైతం ఒప్పుకుందని తమిళ సినీ పరిశ్రమలో టాక్ నడుస్తుంది. అయితే, ఈ విషయం తెలిసిన అన్ని సినీ వర్గాలు షాక్ కు గురి అవుతున్నారట. సాధారణంగా స్టార్ హీరోయిన్స్ కమెడియన్స్ తో నటించడానికి ఒప్పుకోరని ఆలా చెయ్యాలంటే చాలా ధైర్యం కావాలని తమిళ తంబీలు సాయి పల్లవి ని తెగ పొగుడుతున్నారు. దక్షిణాదిలో ఓ స్టార్ హీరోయిన్ గా ఉన్న సాయి పల్లవి కమెడియన్ తో జోడీ కట్టడం అనేది చాలా గొప్ప విషయమని చెబుతున్నారు.