డార్లింగ్ ప్రభాస్ హీరోగా నటిస్తున్న ‘సలార్’ సినిమా షూటింగ్ ఎప్పుడు పూర్తవుతుందో తెలియదు కానీ, ఆ సినిమా నుంచి వచ్చే అప్డేట్స్ మాత్రం ప్రేక్షకులకు మంచి కిక్ ఇస్తున్నాయి. ప్రభాస్, శ్రుతి హాసన్ జంటగా తెరకెక్కనున్న ఈ యాక్షన్ ఎంటర్టైనర్ షూటింగ్ ఇప్పటికే సగానికి పైగా పూర్తయినట్టు తెలుస్తోంది. ఈ సినిమాలో శ్రద్ధ కపూర్ తో ఒక ఐటమ్ సాంగ్ ప్లాన్ చేయడం చాలా ఆసక్తికరంగా మారింది. సాహో సినిమాలో ప్రభాస్తో శ్రద్ధ కపూర్ జత కట్టింది. ఆమెను మళ్లీ తీసుకొస్తే మూవీ ఎక్కువ మందు ఆడియన్స్ కి రీచ్ అవుతుందని ఆమెను ఐటమ్ సాంగ్కు ఒప్పించారట దర్శకుడు ప్రశాంత్ నీల్.
ఆ సీన్స్ కెవ్వు కేక
“సలార్” పై సంచలన వ్యాఖ్యలు చేసిన శృతిహాసన్..!!
ఈ సినిమాలో పవర్ఫుల్ పోలీస్ ఆఫీసర్గా పృథ్వీరాజ్ నటిస్తున్నట్లు సమాచారం. దీనికి సంబంధించి అఫీషియల్ అనౌన్స్మెంట్ ని గ్రాండ్ గా చేస్తారని టాక్. ఇంకో ఇంట్రెస్టింగ్ విషయం ఏంటంటే ‘కేజీఎఫ్’ హీరో యష్ కూడా ఈ సినిమాలో ఒక మెరుపుల వచ్చి వెళ్తారట. అది కథ పరంగానా లేకపోతే విక్రమ్ మూవీలో లోకేష్ కనగరాజు మల్టీవర్స్ కాన్సెప్ట్ ని ఉపయోగించి ట్విస్ట్ ఇచ్చినట్లు ప్రశాంత్ నీల్ కూడా ఏమైనా ట్విస్ట్ ఇస్తారా అనేది తెలియాల్సి ఉంది. ఈ సినిమాలో ఒక యాక్షన్ ఎపిసోడ్ ని ఒక పెద్ద లోయలో షూట్ చేయబోతున్నారని వస్తున్న వార్తలు కూడా అభిమానుల్లో హైప్ పెంచుతున్నాయి. ఇక పిక్చరైజేషన్ మరో రేంజ్ లో ఉంటుందని టాక్.
సలార్తో ఫ్యాన్స్కి పండగే
మొత్తానికి సలార్ సినిమాతో ప్రేక్షకులకు ఫీవర్ తెప్పించేలా ఉన్నాడు ప్రశాంత్ నీల్. సినిమా విడుదలపై ఇప్పటి వరకు అయితే ఎలాంటి అధికారిక ప్రకటన చేయలేదు. 2023 సంక్రాంతికి సలార్ లేదా ఆది పురుష్ సినిమాలలో ఏదో ఒకటి రిలీజ్ అయితే బాగుంటుందని అభిమానులు కోరుకుంటున్నారు. అయితే సలార్ ఒక పార్ట్ మాత్రమే ఉంటుందా లేకపోతే సెకండ్ పార్ట్ కూడా ఉంటుందా అనేది మాత్రం ఇంకా క్లారిటీ రాలేదు. మొత్తానికి సినిమాలో కొన్ని సర్ప్రైజ్లు చూసి అభిమానులు ఆశ్చర్య పోవడం ఖాయమని అంటున్నారు.