Onion: ఉల్లిపాయ లేని ఇల్లు.. ఉల్లి లేని కూర ఉండదు అంటే అతిశయోక్తి కాదు..!! ఉల్లి చేసిన మేలు తల్లి కూడా చేయదంటారు..!! కానీ ఎక్కువగా ఉల్లిని తీసుకుంటే మాత్రం ఈ వ్యాధి వచ్చే అవకాశం ఉందట.. బజ్జి, పుల్కా, బిర్యాని, స్ట్రీట్ ఫుడ్ ఏదైనా సరే అడిగి మరి పచ్చి ఉల్లిపాయ తింటున్నారా..!? అయితే ఈ కథనం మీకోసమే..!!
పచ్చి ఉల్లిపాయను మితంగా తీసుకుంటే పరవాలేదు కానీ.. అదే పరిమితి దాటితే మాత్రం ఆరోగ్య సమస్యలు తప్పవని నిపుణులు హెచ్చరిస్తున్నారు. ఉల్లిని ఎక్కువగా తింటే సాల్మోనెల్లా వంటి తీవ్రమైన వ్యాధుల బారిన పడతారు. సాల్మోనెల్లా అనేది ఆహార సంబంధిత వ్యాధులకు కారణమయ్యే ఒక రకమైన బ్యాక్టీరియా. ఇది పేగులను ప్రభావితం చేస్తుంది. అనేక రకాల ఉదర సంబంధిత సమస్యలకు దారితీస్తుంది.
సాల్మోనెల్లా ఇన్ఫెక్షన్ వస్తే లక్షణాలు కూడా తొందరగా బయటపడవు. అయితే కుళ్ళిపోయిన ఉల్లిపాయలను ఉపయోగించడం వలనే ఈ ఇన్ఫెక్షన్ వస్తుంది. ఈ బ్యాక్టీరియల్ ఇన్ఫెక్షన్ వలన కీళ్ల నొప్పులు వస్తాయి. ఇంకా రక్త ప్రవాహంలోకి ప్రవేశించి వెన్నెముక, మెదడు, గుండె సంబంధిత సమస్యలకు గురి చేస్తుంది. సాధ్యమైనంత వరకు పచ్చి ఉల్లిని తినటం తగ్గించండి. కుళ్లిన ఉల్లిపాయలను అస్సలు ఉపయోగించకండి.