నాలుగో సీజన్ టైటిల్ విన్నర్ అభిజిత్ హౌస్ నుండి బయటికి వచ్చాక ఫుల్ బిజీ అయిపోయాడు. తెలుగు ప్రముఖ న్యూస్ ఛానల్ లకి ఇంటర్వ్యూ ల మీద ఇంటర్వ్యూ ఇస్తూ బిగ్ బాస్ హౌస్ లో తన అనుభవాలు గురించి వివరిస్తున్నాడు. బయట ఇంత రెస్పాన్స్ వస్తుందని నేను కలలో కూడా ఊహించలేదని అభి చెప్పుకొస్తున్నాడు.
దాదాపు 120 రోజులు ఇంటికి దూరం అవ్వటంతో ఎక్కువ సేపు కుటుంబం తో గడిపిన అభిజిత్.. రెండో రోజు నుండి మెల్లమెల్లగా టీవీ చానల్స్ కి ఇంటర్వ్యూ ఇస్తూ ఉన్నాడు. ఇటువంటి తరుణంలో బిగ్ బాస్ తన లైఫ్ లో అనేక మార్పులు తీసుకురావడమే కాక కొత్త ప్రపంచాన్ని పరిచయం చేసినట్లుగా అభి చెప్పుకొస్తున్నాడు. కామ్ అండ్ ఫోకస్ గేమ్ ఆడి టైటిల్ విజేత గా అభి బిగ్ బాస్ హౌస్ ప్రయాణం పట్ల బయట అభిమానులు కూడా బాగా సంతోషం వ్యక్తం చేస్తున్నారు.
ఇదిలా ఉండగా అభికి హీరోయిన్ సమంత నుండి అదిరిపోయే ఆఫర్ అందినట్లు వార్తలు వస్తున్నాయి. సమంత హోస్ట్ గా తన సొంత షోలో అభి ని ఆహ్వానించినట్లు సోషల్ మీడియాలో సరికొత్త టాక్ వస్తుంది. గతంలో అనగా దసరా సమయంలో సమంత బిగ్ బాస్ షో కి హోస్ట్ గా చేయటం మనకందరికీ తెలిసిందే. ఆ సమయంలోనే అభి ఆట తీరు ని మెచ్చుకుంటూ సమంత పొగడ్తల వర్షం కురిపించింది. ఇటువంటి తరుణంలో తాజాగా అభి ని తన సొంత షోలో ఇంటర్వ్యూ చేయాలని సమంత డిసైడ్ అయినట్లు సరికొత్త టాక్ మీడియా సర్కిల్స్ లో వస్తోంది.
