ప్రస్తుతం సినిమాలు లేక అల్లాడిపోతున్న జనాలకు ఉపశమనం కలిగించేందుకు బిగ్ బాస్ సీజన్ – 4 రెడీ అవుతోంది. బయటకు వస్తున్న వార్తల ప్రకారం ఇప్పటికే సగం మంది కంటెస్టెంట్స్ లిస్టును బిగ్ బాస్ టీమ్ ఖరారు చేసిందట. ఇక లాక్ డౌన్ కారణంగా పనులు అంత వేగవంతంగా జరగట్లేదు కానీ అనుకున్న సమయానికే ఈ రియాల్టీ షో ప్రారంభించేందుకు సన్నాహాలు చేస్తున్నారు.
ఇకపోతే మొదటినుండి ఈ సీజన్ కు కూడా అక్కినేని నాగార్జున హోస్ట్ గా వ్యవహరిస్తారు అని అంతా అనుకున్నారు కానీ ఒక్క సారిగా అక్కినేని కోడలు సమంత ను ఈ సీజన్ ను హోస్ట్ చేయమని నిర్వాహకులు అడిగినట్లు సమాచారం. అయితే సమంత ఇప్పుడు తెలుగు తమిళ భాషల్లో స్టార్ హీరోయిన్. ఒక్కో సినిమాకు కోటాను కోట్ల రెమ్యూనరేషన్ తీసుకునే సమంత బిగ్ బాస్ ను హోస్ట్ చేసేందుకు కూడా అధిక మొత్తం డిమాండ్ చేస్తోందని ట్రేడ్ వర్గాల్లో టాక్.
అయితే మొదట సీజన్ కు వ్యాఖ్యాతగా నిర్వహించిన జూనియర్ ఎన్టీఆర్ ఒక్క ఎపిసోడ్ కి 50 లక్షలు తీసుకున్నారని అప్పట్లో ప్రచారం జరిగింది. ఆ తర్వాత రెండో సీజన్ కు నాని ఎపిసోడ్ కి 10 లక్షలు, ఇకపోతే నాగార్జున ఎపిసోడ్ కి 12 నుండి 15 లక్షలు తీసుకున్నట్లు తెలిసింది.
అయితే సమంత తారక్ రేంజిలో కాకపోయినా నాని కన్నా తనకు ఎక్కువ మొత్తం తనకు ఇవ్వవలసి ఉంటుందని డిమాండ్ చేస్తోందని సినీ వర్గాల్లో టాక్ నడుస్తోంది. మరి అక్కినేని కోడలు రెమ్యూనరేషన్ విషయంలో మామ గారిని దాటేసినా ఆశ్చర్యపోవాల్సిన అవసరం లేదని అంటున్నారు. చూద్దాం మరి సమంతనే ఈ సీజన్ ఫోర్ కు హోస్ట్ గా వ్యవహరిస్తోందో లేదో.
