Samantha: అగ్ర కథానాయిక సమంత తన హిందీ వెబ్ సిరీస్ని ఫ్యామిలీ మ్యాన్ సీజన్ 2తో ప్రారంభించింది. అప్పటి నుంచి హిందీ సినిమాల్లో సమంత ఎప్పుడు చేస్తుందో అని సినీ ప్రియులు ఎదురు చూస్తున్నారు. అయితే, సినీ ఇండస్ట్రీ నుంచి అందుతున్న తాజా సమాచారం ప్రకారం, సమంత ఆయుష్మాన్ ఖురానా సరసన బాలీవుడ్లోకి ఎంట్రీ ఇచ్చేందుకు సిద్ధమైంది. కామెడీ, సస్పెన్స్తో వంటి కమర్షియల్ ఎలిమెంట్స్తో రానున్న ఈ మూవీని మాడాక్ ఫిల్మ్స్, పీపింగ్ మూన్ బ్యానర్పై దినేష్ విజన్ నిర్మించనున్నారు.
Samantha: కుర్ర హీరోతో సమంత రొమాన్స్
సమంత తన సినీ కెరీర్లో ఒక్కటంటే ఒక్క హిందీ సినిమాలోనూ యాక్ట్ చేయలేదు కానీ సూపర్ క్రేజ్ తెచ్చుకుంది. పుష్ప ఐటమ్ సాంగ్, ఫ్యామిలీ మ్యాన్ సిరీస్ ఆమెను హిందీ ప్రేక్షకులకు మరింత చేరువ చేశాయి. ఇప్పుడు ఆ క్రేజ్తోనే ఈ ముద్దుగుమ్మ హీరో ఆయుష్మాన్ తో నటించే ఛాన్స్ కొట్టేసింది. వీరు ఇరువురు ప్రస్తుత కమిట్మెంట్లను ముగించిన తర్వాత ఈ సస్పెన్స్ ప్రాజెక్ట్ పట్టాలు ఎక్కించే అవకాశం ఉంది. ఈ ఏడాది చివరి నాటికి ఈ మూవీ సెట్పైకి తీసుకెళ్లాలని సినీ బృందం భావిస్తోంది. అయితే సమంతకి మూవీ స్టోరీ బాగా నచ్చిందని కానీ ఆమె ఇంకా ఈ సినిమాకు సైన్ చేయలేదని సినీ వర్గాలు పేర్కొంటున్నాయి. సమంత మొదటి సినిమా ఇదే కావడంతో బాలీవుడ్ వర్గాల్లో ఈ హిందీ సినిమా హాట్ టాపిక్ గా మారింది.
నెక్స్ట్ బాలీవుడ్ ప్రాజెక్ట్స్
తాప్సీ పన్ను నిర్మించే సినిమాలో సమంత ప్రధాన పాత్రలో నటించనుందని ఇప్పటికే అధికారిక వార్తలు వచ్చాయి. ఈ ప్రాజెక్ట్లతో పాటు, రాజ్ డి.కె దర్శకత్వం వహిస్తున్న ‘సిటాడెల్’ ఇండియన్ వెర్షన్లో కూడా సమంత కనిపించనుంది. ఈ వెబ్ సిరీస్లో సామ్ వరుణ్ ధావన్తో కలిసి పని చేస్తుంది. శాకుంతలం, యశోద చిత్రాల్లో కూడా సమంత కనిపించనుంది.