హైదరాబాద్ వాసులను చూస్తుంటే అయ్యో పాపం అనడం తప్పించి ఇంకేం చేయలేకపోతున్నాం. వరల్డ్ క్లాస్ సిటీ.. ఎన్నో పెద్ద పెద్ద ఐటీ కంపెనీలకు నెలవు.. గూగుల్, మైక్రోసాఫ్ట్, ఐకియా, ఫేస్ బుక్ లాంటి అంతర్జాతీయ సంస్థలు కొలువై ఉన్న నగరం.. కానీ.. వర్షాలకు మాత్రం బెంబేలెత్తిపోయింది. ఎన్నడూ లేనంతగా.. ముంబై, చెన్నై వరదల తరహాలో హైదరాబాద్ మహానగరం వరదల్లో మునిగిపోయింది. ఒక్కరోజు కురిసిన వర్షానికే హైదరాబాద్ అతలాకుతలం అయిపోయింది. ఇంకా కొన్ని ప్రాంతాల్లో వరద నీరు అలాగే ఉంది. బయట పార్క్ చేసిన కార్లు అయితే పడవల్లా వరదల్లో కొట్టుకుపోవడం కూడా చూశాం.
అయితే.. అంతటితో అయిపోలేదు. హైదరాబాద్ పరిసర ప్రాంతాల్లో మరో రెండు రోజుల పాటు భారీ వర్షాలు కురవనున్నాయని వాతావరణ శాఖ హెచ్చరించింది. దీంతో హైదరాబాద్ వాసులు.. ఇళ్ల నుంచి బయటికి వెళ్లకుండా.. ముందు జాగ్రత్త చర్యలు తీసుకుంటున్నారు. తెలంగాణతో పాటు ఏపీలోనూ పలు చోట్ల భారీ వర్షాలు కురవనున్నాయట.
ఈనేపథ్యంలో ఓ ఫోటో ప్రస్తుతం సోషల్ మీడియాలో హల్ చల్ చేస్తోంది. భారీ వర్షాలు రానున్న నేపథ్యంలో మళ్లీ ఎక్కడ వరదలు వచ్చి తమ కారు కొట్టుకుపోతుందోనని.. కారును గేట్ కు కట్టేశారు. ఆ ఫోటో నెటిజన్లను బాగా ఆకర్షిస్తోంది. ఇంతకు మించి చేసేదేం లేదు. అందరూ తమ కార్లను గేట్లకు కట్టేసుకోండి. వరదలు వచ్చినా కార్లు అయితే సేఫ్ గా ఉంటాయని నెటిజన్లు హైదరాబాద్ వరదలపై సెటైర్లు వేస్తున్నారు.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?